Сюррэалізм

Сюррэалі́зм (ад франц. surréalisme — надрэалізм, звышрэалізм) — эўрапейскі мастацкі кірунак. Узьнік у 1924 годзе ў Францыі. У яго аснове — бунт супраць клясыцызму, рэалізму, рацыяналізму і утылітарызму ў мастацтве. Тэарэтыкам гэтага кірунку быў філёзаф і паэт Андрэ Брэтон. Тэрмін «сюррэалізм» упершыню выкарыстаў Гіём Апалінэр. Напачатку сюррэалісты абапіраліся на дадаізм.