Ёхен Рынт
Ёхен Рынт  | |
|---|---|
 | |
| Грамадзянства | |
| Дата нараджэння | 18 красавіка 1942[2][3][…] |
| Месца нараджэння | |
| Дата смерці | 5 верасня 1970[2][3][…] (28 гадоў) |
| Месца смерці | |
| Чэмпіён свету | 1 (1970) |
 Медыяфайлы на Вікісховішчы | |
Ёхен Рынт (ням.: Jochen Rindt, поўнае імя Карл Ёхен Рынт ням.: Karl Jochen Rindt, 18 красавіка 1942, Майнц — 5 верасня 1970, Монца) — аўстрыйскі аўтагоншчык, чэмпіён свету 1970 года ў аўтагонках у класе Формула-1. Чэмпіёнскі тытул атрымаў пасмяротна, бо разбіўся пры правядзенні Гран-пры Італіі, але заробленых на папярэдніх этапах ачкоў хапіла для заваёвы чэмпіёнскага тытула.
Біяграфія
Нарадзіўся 18 красавіка 1942 года ў Майнцы (Германія). Бацькі загінулі ў 1943 годзе падчас бамбардзіроўкі Гамбурга. Выхаваннем займаліся дзядуля і бабуля па матчынай лініі. Вырас у Грацы (Аўстрыя).
У 1967 годзе ажаніўся з фінскай фотамадэллю Нінай Лінкальн, з якой меў дачку Наташу.
Кар’ера
24 гадзіны Ле-Мана
Ёхен Рынт чатыры разы прымаў удзел у 24 гадзінах Ле Мана — з 1964 па 1967 год. У першую спробу сышоў не праехаўшы ніводнага круга. У 1965 годзе перамог у экіпажы з амерыканцам Мастэнам Грэгары на Ferrari 250LM. Яны перасеклі фінішную рысу на пяць кругоў наперадзе другога месца і на восем кругоў наперадзе трэцяга. Наступныя дзве гонкі скончыліся сходам з дыстанцыі: у 1966 годзе пасля васьмі кругоў з-за праблем з рухавіком у ягонага Ford GT40, а ў 1967 годзе пасля 103 кругоў[5].
Формула-1
Дэбютаваў у Формуле-1 у жніўні 1964 года за рулём Brabham BT11-BRM на гран-пры Аўстрыі. Кваліфікаваўся 13-м, але сышоў з дыстанцыі з-за праблем з рулявым кіраваннем.
У 1965 годзе падпісаў трохгадовы кантракт з камандай Cooper. У гонцы ў Спа ў чэрвені 1966 года заваяваў свой першы подыум у Формуле-1, заняўшы другое месца.
Сезон 1968 года выступаў за Brabham, на якім здолеў прадэманстраваць хуткасць і заваёўваць поулы, але каб атрымаць перамогу не хапала надзейнасці машыны.
У 1969 годзе падпісаў кантракт з камандай «Лотус». Першую перамогу ў Формуле-1 здабыў на Гран-пры ЗША ў Уоткінс-Глен.
Першай перамогай у сезоне 1970 года стала перамога ў Манака. Пасля яшчэ выйграў чатыры гонкі запар — гран-пры Нідэрландаў, Францыі, Вялікабрытаніі і Германіі. 5 верасня 1970 года ўрэзаўся ў агароджу падчас трэніроўкі на гран-пры Італіі. У выніку аварыі загінуў. Заробленых на папярэдніх этапах ачкоў хапіла для заваёвы тытула. На дадзены момант з’яўляецца адзіным, хто стаў чэмпіёнам Формулы-1 пасмяротна.
Зноскі
- ↑ Wiener Zeitung — Wien: 2018. Праверана 18 красавіка 2022.
- ↑ а б Jochen Rindt // Brockhaus Enzyklopädie Праверана 9 кастрычніка 2017.
- ↑ а б Jochen Rindt // Store norske leksikon — 1978. — ISSN 2464-1480
- ↑ Deutsche Nationalbibliothek Record #119343185 // Агульны нарматыўны кантроль — 2012—2016. Праверана 10 снежня 2014.
- ↑ Tom Jeffries. How many F1 drivers have won the Le Mans 24 Hours? (англ.). motorsport.com (1 чэрвеня 2022). Праверана 7 чэрвеня 2022.
Спасылкі
- Gerald Donaldson. Drivers / Hall of fame: Jochen Rindt (англ.). formula1.com. Праверана 18 красавіка 2022.
- David Tremayne. Remembering Rindt – Why the Austrian racer is still so revered, 50 years after his death (англ.). formula1.com (5 верасня 2020). Праверана 18 красавіка 2022.
