Іван Фёдаравіч Мічурын

Іван Фёдаравіч Мічурын
Род дзейнасці	архітэктар
Дата нараджэння	1700[1][2][…]
Месца нараджэння	Кастрамская губерня, Расійская імперыя
Дата смерці	1763[1][3][…]
Грамадзянства	Расійская імперыя Расія[4]
Медыяфайлы на Вікісховішчы

Іван Фёдаравіч Мічурын (руск.: Ива́н Фёдорович Мичу́рин, 1700-1763) — архітэктар, які працаваў у стылі рускага барока, пераважна ў Маскве.

Пасля пажару 1737 года ў Маскве кіраваў аднаўленнем амаль усіх крамлёўскіх цэркваў і ўрадавых будынкаў, у прыватнасці Мікольскай вежы Маскоўскага Крамля і храма Васіля Блажэннага. Яму належыць праект шмат'яруснай званіцы з калонамі розных ордэраў (званіца царквы Параскевы Пятніцы на Пятніцкай вуліцы, знішчаная ў 1930-х гадах).

Мічурын быў кіраўніком будаўніцтва Марыінскага палаца і Андрэеўскай царквы ў Кіеве, якія будаваліся па праектах Барталамеа Растрэлі.

У 1749—1758 гадах будаваў сабор Свенска-Успенскага манастыра, кіраваў будаўніцтвам царквы Троіцы Жываначальнай на Арбаце (не захавалася), а таксама пабудовамі ў Златавустаўскім манастыры (не захаваліся, знесены ў 1933 г.) у Маскве.

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).