Івуарыйскі народны фронт

Івуарыйскі народны фронт
Лідар Pascal Affi N'Guessan[d]
Дата заснавання 1982
Штаб-кватэра
Краіна
Ідэалогія сацыял-дэмакратыя і левы нацыяналізм[d][1]
Сайт fpi-ci.org

Івуарыйскі народны фронт, ІНФ (фр.: Front populaire ivoirien, FRI) — палітычная партыя Кот-д’Івуара, створаная ў падполлі ў 1982 годзе. З 2000 па 2011 год знаходзілася ва ўладзе. Раней складалася ў Сацыялістычным інтэрнацыянале.

Гісторыя

У 1982 годзе Ларан Гбагбо і яго жонка Сімона заснавалі падпольную групу «Івуарыйскі народны фронт». Першапачаткова арганізацыя абапіралася на марксізм-ленінізм[2] і агітавала за шматпартыйнасць.

У 1988 годзе ІНФ ператвараецца ў палітычную партыю. У 1990 годзе рух легалізаваўся. Партыя пераарыентавалася на дэмакратычны сацыялізм і барацьбу з неакаланіялізмам.

У перыяд з 2000 па 2011 год Ларан Гбагбо з’яўляўся прэзідэнтам краіны. Перыяд яго кіраўніцтва адзначаны палітычным гвалтам і грамадзянскай вайной.

У 2011 годзе ІНФ апынуўся ў цяжкім становішчы: прэзідэнт Гбагбо быў зрынуты, партыю выключылі з Сацыялістычнага Інтэрнацыянала[3], частка членаў на чале з Мамаду Кулібалі пакінулі рух.

Пасля страты ўлады ІНФ пакутаваў ад унутранапартыйных канфліктаў. Партыя апынулася перад пагрозай расколу[4][5][6]. У жніўні 2021 года былы лідар ІНФ Ларан Гбагбо абвясціў аб сыходзе з партыі і аб намеры стварыць новы рух[7]. У кастрычніку ён заснаваў «Афрыканскую народную партыю — Кот-д’Івуар», якая вызначала сябе як панафрыканістычную і сацыялістычную[8][9].

На рэгіянальных выбарах 2023 года ІНФ сфарміраваў з «Аб’яднаннем уфуэтыстаў за дэмакратыю і мір» партыйную кааліцыю[10].

Крыніцы

  1. ↑ https://www.fpi-ci.com/
  2. ↑ Valentin Hodonou. Pourquoi les anciens opposants deviennent des présidents pourris (фр.). Slate Afrique (12 juillet 2011). — «Le Front populaire ivoirien (FPI), le parti d’obédience marxiste-léniniste qu’il fonde en 1982, a été le fer de lance de la contestation du pouvoir du «père de la nation».»  Праверана 4 février 2014.
  3. ↑ Le Front Populaire Ivoirien (FPI) de Laurent Gbagbo, expulsé de l’Internationale Socialiste (officiel) - ConnectionIvoirienne.net(недаступная спасылка)
  4. ↑ Miaka-Koulibaly / Qui peut sauver le Fpi ?
  5. ↑ Côte d'Ivoire : Laurent Gbagbo... loin des yeux, loin du cœur
  6. ↑ Crise au Fpi / Sangaré Abou Drahamane : « Affi est un étranger » (фр.). afriquessor.com. Праверана 16 avril 2015.
  7. ↑ Côte d’Ivoire : l’ancien président Laurent Gbagbo va créer un nouveau parti. Lemonde.fr. Праверана 10 août 2021.
  8. ↑ Pierre Pinto. Côte d'Ivoire: Laurent Gbagbo s'apprête à lancer son nouveau parti. RFI (16 10 2021).
  9. ↑ Florence Richard. Côte d’Ivoire – Laurent Gbagbo : « Je ferai de la politique jusqu’à ma mort ». Jeune Afrique (17 10 2021).
  10. ↑ Côte d’Ivoire: le RHDP et le FPI signent un accord de partenariat, une première