Агаста[6] (англ.: Augusta) — горад ва ўсходняй частцы амерыканскага штата Джорджыя, порт на рацэ Савана, адміністрацыйны цэнтр акругі Рычманд. З прыгарадамі насельніцтва складае 528 тыс. жыхароў (трэці вынік па штаце).
Заснавана ў 1736 годзе заснавальнікам калоніі Джорджыя, Джэймсам Оглтарпам, і названая ў гонар маці караля, Аўгусты Саксен-Гоцкай. Падчас Амерыканскай рэвалюцыі, калі ў гэтых краях праходзіла лінія фронту, Агаста некалькі разоў станавілася сталіцай штата. У Грамадзянскую вайну паўднёўцы выпрацоўвалі тут асноўную частку сваіх боепрыпасаў.