Арыстоцель Ф’ёраванці

Арыстоцель Ф’ёраванці
Дата нараджэння	каля 1420[1]
Месца нараджэння	Балоння, Папская вобласць[1]
Дата смерці	1486[1][2]
Месца смерці	магчыма Масква, Вялікае Княства Маскоўскае[1]
Грамадзянства	Lordship of Bologna[d]
Бацька	Fioravante Fioravanti[d][1]
Медыяфайлы на Вікісховішчы

Арысто́цель Ф'ёрава́нці, ці Арысто́цель Фіярава́нці (італ.: Ridolfo Aristotele Fioravanti; каля 1415, г. Балоння, Італія — каля 1486) — італьянскі архітэктар, інжынер.

Да 1473 працаваў пераважна ў Балонні і Мілане. Вядомасць набыў за інжынерныя работы па ўмацаванні і перасоўцы буйных збудаванняў.

У 1475 па запрашэнні вялікага князя Івана III Васільевіча прыехаў у Маскву. Пабудаваў Успенскі сабор (1475—79) Маскоўскага Крамля, у якім гарманічна спалучыў традыцыі Уладзіміра-Суздальскай школы дойлідства з рацыяналістычнымі рысамі архітэктуры італьянскага рэнесансу. Як ваенны інжынер і начальнік артылерыі ўдзельнічаў у паходах Івана III на Ноўгарад (1477—78), Казань (1482), Цвер (1485).

Зрабіў вялікі ўплыў на развіццё рускай будаўнічай тэхнікі.

• Ф'ёраванці // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. С. 367.
• Собко Н. Фиораванти дельи Альберти, Рудольфо // Русский биографический словарь : в 25-ти томах. — СПб.—М., 1896—1918. (руск.)
• Земцов С. М., Глазычев В. Л. Аристотель Фьораванти. М., 1985.
• Подъяпольский С. С. Итальянские строительные мастера в России в конце XV — начале XVI в. по данным письменных источников (опыт составления словаря) // Реставрация и архитектурная археология: Новые материалы и исслед. М., 1991.

• На Вікісховішчы ёсць медыяфайлы па тэме Арыстоцель Ф’ёраванці