Біты́нія (Bithynia) — род прэснаводных пярэднешчэлепавых малюскаў.
Апісанне
Ракавіна авальна-канічная, з 5-6 завіткамі, з канцэнтрычнай вапняковай накрыўкай, карычневая, вышынёй да 12 мм.
Арэал
Распаўсюджаны ў Еўропе, Усходняй і Паўночнай Азіі, Грэнландыі і Паўночнай Амерыцы.
Асаблівасці біялогіі
Фільтратары. Дэтрытафагі, кормяцца водарасцямі, рэшткамі раслін і жывёл.
Бітыніі — пажыва для многіх бентасаедных рыб (лешч, вугор і інш.). Некаторыя віды з'яўляюцца прамежкавымі гаспадарамі паразітычных чарвякоў, такіх як кашэчая двухвустка (Opisthorchis felineus) — узбуджальнік апістархозу.
