Вэлыка Бэрэзавыця

Пасёлак гарадскога тыпу Вэлыка Бэрэзавыця укр.: Велика Березовиця Краіна  Украіна Вобласць Цярнопальская вобласць Раён Цярнопальскі раён Каардынаты 49°29′47″ пн. ш. 25°36′32″ у. д.HGЯO Першая згадка 1458 ПГТ з 1986 Плошча 2,4 км² Вышыня цэнтра 305 м Насельніцтва 8400 чалавек (2024) Часавы пояс UTC+2, летам UTC+3 Тэлефонны код +380-352 Паштовы індэкс 47725 КААТУУ 6125255200 Афіцыйны сайт w1.c1.rada.gov.ua/pls/z7… Вэлыка Бэрэзавыця на карце Украіны ±

Медыяфайлы на Вікісховішчы

Вэлыка Бэрэзавыця^[1] (укр.: Велика Березовиця) — пасёлак гарадскога тыпу ў Цярнопальскім раёне Цярнопальскай вобласці Украіны. Цэнтр тэрытарыяльнай грамады. Паўднёвае прадмесце Цярнопаля, размешчанае ўсяго ў 5 км ад яго цэнтра.

Размешчана паселішча ў цэнтры Цярнопальскага раёна, на левым і часткова правым беразе ракі Сэрэт. Праз паселішча праходзяць важныя транспартныя артэрыі — чыгуначная лінія Цярнопаль — Чарткіў і аўтадарога Цярнопаль — Чарнаўцы. У прадмесце рэгулярна курсіруюць аўтобусы, злучаючы яго з большасцю мікрараёнаў Цярнопаля.

Насельніцтва паселішча расце аднымі з самых хуткіх тэмпаў у вобласці. Па стане на 1973 г. тут пражывала 3,36 тыс. жыхароў, у 2003 — 6,7 тыс., у 2011 г. — 7.25 тыс., 2015 г. — 7,98 тыс. чалавек.

Дзейнічаюць агульнаадукацыйная школа i-III ступеняў, пачатковая школа, дашкольная ўстанова «Кабзарык», дом культуры, бібліятэка, фельшарска-акушэрскі пункт, два паштовых аддзяленні, ветэрынарная лячэбніца, 6 магазінаў, рэстаран, бар.

У пасёлку ёсць чатыры культавыя збудаванні, тры з якіх — дзеючыя: царква Узнясення Гасподняга УГКЦ (1859 г.), царква Святога Уладзіміра УГКЦ (1993 г.), царква Святых Барыса і Глеба УГКЦ (2009 г.), каталіцкая капліца (1899 г.). Дзейнічаюць Цярнопальская вышэйшая духоўная семінарыя імя Патрыярха Іосіфа Сляпога УГКЦ і Украінская лютэранская багаслоўская семінарыя Святой Сафіі.