Ганс Вёльке

Ганс Вёльке
Агульная інфармацыя
Пол	м
Нарадзіўся	18 лютага 1911(1911-02-18) Біскупец, Landkreis Rößel[d], акруга Кёнігсберг[d], Усходняя Прусія, Каралеўства Прусія, Германская імперыя
Памёр	22 сакавіка 1943(1943-03-22) (32 гады) Хатынь, Каменскі сельсавет, Плешчаніцкі раён, Мінская вобласць, БССР, СССР
Пахаванне	Нямецкія вайсковыя могілкі 1941-1944 гг. пад Мінскам
Грамадзянства	Германская імперыя  Германія  Трэці рэйх
Рост	178 см
Вага	82 кг
Асабістыя рэкорды
Ядро	16,20 м
Узнагароды і медалі Алімпійскія гульні Золата Берлін 1936 ядро Чэмпіянаты Еўропы Бронза Парыж 1938 ядро
Медыяфайлы на Вікісховішчы

Ганс Вёльке (ням.: Hans Otto Woellke; 1911 — 1943) — нямецкі лёгкаатлет (штурханне ядра) і паліцыянт. Алімпійскі чэмпіён (1936).

Заваяваў першы залаты алімпійскі медаль Алімпійскіх гульняў 1936 года ў Берліне^[1], з-за чаго стаў героем нацысцкай прапаганды пра перавагу «арыйскай расы» і фаварытам Гітлера, які запрасіў Вёльке ў асабістую ложу.

Ганс Вёльке служыў у берлінскай паліцыі. З пачаткам Другой сусветнай вайны перайшоў у т. зв. паліцыю бяспекі СС, капітан (гаўптман) 118-га ахоўнага паліцэйскага батальёна, камандзір роты. У сакавіку 1943 года з двума ўзводамі суправаджаў каманду, якая аднаўляла парушаную тэлефонную сувязь паміж Лагойскам і Плешчаніцамі. Аўтамабіль трапіў у засаду. У перастрэлцы непадалёку ад вёскі Хатынь Вёльке быў забіты партызанамі, што стала прычынай знішчэння карнікамі вёскі разам з яе жыхарамі. Вёльке пасмяротна прысвоена званне маёра.

Месцам яго пахавання лічацца знішчаныя нямецкія вайсковыя могілкі ў раёне лесапарка паміж тэрыторыяй квартала «Маяк Мінска» і ст.м. «Барысаўскі тракт» ў Мінску — заходні бок могілак, рад 22, магіла 28.