Дзімітар Талеў

Дзімітар Талеў
Асабістыя звесткі
Дата нараджэння	1 (13) верасня 1898[1]
Месца нараджэння	Прылеп, Асманская імперыя
Дата смерці	20 кастрычніка 1966(1966-10-20)[2][1] (68 гадоў)
Месца смерці	Сафія, абшчына Сталічна[d], гарадская вобласць Сафія[d], Балгарыя
Пахаванне	Цэнтральныя могілкі Сафіі[d]
Грамадзянства	Балгарыя
Дзеці	Bratislav Dimitrov Talev[d]
Альма-матар	Сафійскі ўніверсітэт
Прафесійная дзейнасць
Род дзейнасці	пісьменнік, журналіст, дзіцячы пісьменнік, палітык
Мова твораў	балгарская мова
Подпіс
Медыяфайлы на Вікісховішчы

Дзімі́тар Та́леў Пятроў Палісламаў (балг.: Димитър Талев Петров Палисламов) — балгарскі пісьменнік і журналіст. Нарадзіўся ў 1898 годзе ў горадзе Прылепе ў Македоніі. Закончыў Сафійскі ўніверсітэт і з сярэдзіны 1920-х займаўся літаратурнай дзейнасцю, доўгі час быў журналістам у папулярных газетах «Македония^[bg]» і «Зора^[bg]» (бел.: золак, досвітак). Пасля перавароту 9 верасня^[bg] 1944 года і ўстанаўлення таталітарнага камуністычнага рэжыму ў краіне, быў абвешчаны «вялікабалгарскім шавіністам» і правёў некалькі гадоў у турмах і канцлагерах. Пасля вызвалення быў пакрысе рэабілітаваны рэжымам і да сваёй смерці ў 1966 годзе выдаў шэраг гістарычных раманаў, сярод якіх «Прэспанская тэтралогія» — «Жалезная свяцільня» (балг.: Железният светилник), «Прэспанскія званы» (балг.: Преспанските камбани), «Дзень Іллі» (балг.: Илинден) і «Я чую вашыя галасы» (балг.: Гласовете ви чувам) — што набылі яму вялікую славу і зацвердзілі яго як аднаго з класікаў балгарскай літаратуры.