Дзінтары
| Дзінтары | |
|---|---|
| лат.: Dzintari | |
| 56°58′25″ пн. ш. 23°49′18″ у. д.HGЯO | |
| Краіна | |
| Горад | |
| Паштовыя індэксы | LV-2015 |
| Плошча |
|
 |
|
 Медыяфайлы на Вікісховішчы |
|
Дзінтары (лат.: Dzintari, да 1922 года — Эдынбург) — частка Рыжскага ўзмор’я і горада Юрмала, за 21 км на захад ад горада Рыгі. Адзін з самых прэстыжных раёнаў пражывання ў сучаснай Латвіі, забудаваны віламі і асабнякамі.
Гісторыя
З XVII стагоддзя на месцы Дзінтары вядома рыбалавецкая вёска Авоты, названая ад прозвішча сям’і рыбакоў.
З нагоды вяселля вялікай князёўны Марыі Аляксандраўны і герцага Эдынбургскага ў 1874 годзе гэта частка ўзмор’я атрымала назву Эдынбург. У 1879 годзе быў пабудаваны кургаўз з марскім павільёнам, пазней згарэў.
У 1922 годзе Эдынбург быў перайменаваны ў Дзінтары. У першыя гады існавання Латвійскай Рэспублікі былі пабудаваны і тыпавыя сямейныя дамы, у якіх выкарыстоўваліся ўпадабаныя ў Юрмале класічныя формы і дэталі архітэктуры нацыянальнага рамантызму (напрыклад, праспект Дзінтару 3).
Пасля заканчэння Другой сусветнай вайны тут разгарнулася актыўнае будаўніцтва вялікіх санаторыяў і дамоў адпачынку. Цяперашняя чыгуначная станцыя пабудавана ў 1980 годзе. Пачынаючы з другой паловы 1930-х гг. цэнтрам прыцягнення становіцца канцэртная зала «Дзінтары», якая ў летні сезон збірае вялікую колькасць аматараў музыкі.
