Карын Ліндберг

Карын Ліндберг
шведск.: Karin Lindberg
Агульная інфармацыя
Пол	жанчына
Спецыялізацыя	спартыўная гімнастыка
Нарадзілася	6 кастрычніка 1929(1929-10-06)[1] Kalix[d], Калікс, лен Нарботэн, Швецыя
Памерла	2 снежня 2020(2020-12-02)[2][1] (91 год) Эрэбру, камуна Эрэбу, лен Эрэбру, Швецыя
Грамадзянства	Швецыя
Медыяфайлы на Вікісховішчы

Карын Ліндберг (шведск.: Karin Lindberg, у замужжы Ліндэн, шведск.: Lindén; 6 кастрычніка 1929, Калікс, Швецыя — 2 снежня 2020) — шведская гімнастка, чэмпіёнка свету, чэмпіёнка Алімпійскіх гульняў 1952 года, сярэбраны прызёр Алімпійскіх гульняў 1956 года.

Нарадзілася ў 1929 годзе ў Каліксе, вырасла ў Стакгольме. Яна тройчы прымала ўдзел у Алімпійскіх гульнях у катэгорыі «камандныя практыкаванні з прадметам» у складзе зборнай Швецыі. Першы раз Карын ўдзельнічала ў Летніх Алімпійскіх гульнях 1948 года ў Лондане. У 1950 годзе яна ў складзе зборнай перамагла на чэмпіянаце свету. У 1952 годзе на Летніх Алімпійскіх гульнях у Хельсінкі шведкі выйгралі залаты медаль у камандных практыкаваннях з прадметам, апярэдзіўшы зборную СССР і Венгрыі з вынікам 74,2 бала. На Летніх Алімпійскіх гульнях у Мельбурне ў 1956 годзе зборная Швецыі зноў набрала 74,2 балы ў камандных практыкаваннях з прадметам, але ў гэты раз іх вынік пераўзышлі спартсменкі з Венгрыі. Удзельніцы зборнай Швецыі атрымалі сярэбраны медаль.

У 1952 годзе Ліндберг была названая спартсменкай года. У 1955 годзе трапіла ў дарожна-транспартнае здарэнне. Пасля завяршэння кар’еры яна на працягу 17 гадоў вяла ранішнія заняткі гімнастыкай на тэлеперадачы Morgonpasset. Яна была старшынёй Асацыяцыі гімнастыкі акругі Эрэбру ў 1983—1991 гадах. Таксама працавала трэнерам і фармацэўтам.

• На Вікісховішчы ёсць медыяфайлы па тэме Карын Ліндберг