Мендэлеўскі ўніверсітэт у Брно

Мендэлеўскі ўніверсітэт у Брно
чэшск.: Mendelova univerzita v Brně
Арыгінальная назва	чэшск.: Mendelova univerzita v Brně
Міжнародная назва	англ.: Mendel University in Brno
Заснаваны	1919
Краіна	Чэхія[1]
Размяшчэнне	Брно
Сайт	mendelu.cz
Медыяфайлы на Вікісховішчы

Мендэлеўскі ўніверсітэт у Брно (чэшск.: Mendelova univerzita v Brně) — чэшская дзяржаўная вышэйшая навучальная ўстанова са статусам універсітэта і з сядзібай у горадзе Брно.

Гэта найстарэйшая вышэйшая сельскагаспадарчая і лясная ўстанова адукацыі на чэшскіх землях. Універсітэт названы ў гонар выдатнага навукоўца Іагана Мендэля. Першапачаткова ўстанова была заснавана ў Брно ў 1919 годзе як сельскагаспадарчы ўніверсітэт, які існаваў пад гэтай назвай да 1994 года. Затым установа насіла да 2009 года назву Універсітэт сельскай і лясной гаспадаркі імя Мендэля ў Брно. Яго стварэнне стала вынікам доўгатэрміновых намаганняў па стварэнні вышэйшай сельскагаспадарчай навучальнай установы ў Маравіі, якая доўгі час была адным з рэгіёнаў з найбольш развітай сельскай гаспадаркай у Цэнтральнай Еўропе. За час свайго існавання ўстанова зведала шэраг арганізацыйных і змястоўных змяненняў і падрыхтавала амаль 20 тысяч інжынераў-аграрыяў, больш за 6,5 тысяч інжынераў-лесаводаў і амаль 5,5 тысяч інжынераў-эканамістаў.

• Агранамічны факультэт
• Факультэт лясной гаспадаркі і дрэваапрацоўкі
• Факультэт эканомікі і бізнесу
• Факультэт садаводства
• Факультэт рэгіянальнага развіцця і міжнародных навук

• На Вікісховішчы ёсць медыяфайлы па тэме Мендэлеўскі ўніверсітэт у Брно
• Афіцыйная інтэрнэт-старонка ўстановы