Нацыянальная бібліятэка Іспаніі

Нацыянальная бібліятэка Іспаніі
ісп.: Biblioteca Nacional de España[1]
Выява лагатыпа
Краіна
Адрас Paseo de Recoletos, 20, Madrid і Paseo de Recoletos, 20-22[3]
Заснавана 29 снежня 1711[4]
Філіялы Sede de la Biblioteca Nacional de España en Alcalá de Henares[d]
Іншая інфармацыя
Бюджэт 35 860 000 €[5]
Дырэктар Ana Santos Aramburo[d] і Óscar Arroyo Ortega[d]
Супрацоўнікі
  • ▼353 чал. (2021)[5]
Вэб-сайт bne.es (ісп.)
Лагатып Вікісховішча Медыяфайлы на Вікісховішчы[2]

Нацыянальная бібліятэка Іспаніі (ісп.: Biblioteca Nacional de España) — галоўная публічная бібліятэка, найбуйнейшая ў Іспаніі. Знаходзіцца ў Мадрыдзе на бульвары Пасеа-дэ-Рэкалетас. Першапачаткова бібліятэка была створана з двума мэтамі — для распаўсюджвання ведаў і для размяшчэння ў сабе прыватных калекцый.

Гісторыя

Іспанская нацыянальная бібліятэка была заснавана у 1712 годзе каралём Філіпам V як Каралеўская бібліятэка, аднак афіцыйны ўказ з’явіўся толькі 2 студзеня 1716 года. Бібліятэка была закліканая забяспечыць публічны доступ да ведаў і аб’яднаць некаторыя бібліятэкі іспанскіх арыстакратаў. Усе друкарні былі абавязаныя перадаваць адзін асобнік кожнай публікацыі ў Каралеўскую бібліятэку.

У 1761 годзе старэйшы бібліятэкар Хуан дэ Сантандэр па даручэнні караля Карла III перапісаў статут бібліятэкі. У той жа час пры бібліятэцы была заснавана каралеўская друкарня, якая таксама была падпарадкавана загадчыку бібліятэкі.

У 1836 годзе бібліятэка была перайменавана ў нацыянальную. З гэтага часу яна падпарадкоўвалася не каралю, а ўраду. У той жа час Нацыянальнай бібліятэцы былі перададзеныя кнігі, канфіскаваныя ў кляштарах. У 1896 годзе быў завершаны новы будынак бібліятэкі на бульвары Рэкалетас, дзе размясціліся музей і архіў.

У 1936—1939 гадах, падчас Грамадзянскай вайны фонды бібліятэкі выраслі на 500 000 адзінак за кошт мноства канфіскаваных тамоў. З 1986 года ў складзе бібліятэкі з’яўляюцца спецыяльныя аддзелы: архіў газет, Іспанскі бібліяграфічны інстытут і Архіўны цэнтр дакументальных фільмаў.

З 1991 года, з мэтай пашырэння бібліятэкі быў заснаваны філіял у Алькале-дэ-Энарэсе.

Крыніцы

  1. ↑ https://web.archive.org/web/20221226144622/https://www.cenl.org/member-libraries/
  2. ↑ https://commons.wikimedia.org/wiki/Category:Biblioteca_Nacional_de_Espa%C3%B1a
  3. ↑ а б Directorio de bibliotecas españolas Праверана 21 лютага 2020.
  4. ↑ http://www.bne.es/es/LaBNE/Historia/ Праверана 9 снежня 2020.
  5. ↑ а б https://www.bne.es/sites/default/files/repositorio-archivos/memoria_BNE_2021.pdf Праверана 2 студзеня 2023.