Нуры (Судан)

Славутасць
Нуры
18°34′00″ пн. ш. 31°55′00″ у. д.HGЯO
Краіна	Судан
Месцазнаходжанне	Напата
Дата заснавання	664 да н.э.
Медыяфайлы на Вікісховішчы

Нуры (араб. نوري‎‎) — археалагічны помнік каля аднайменнага паселішча на поўначы Судана. Прадстаўляе сабою некропаль з малых пірамід, пабудаваных у 1 тысячагоддзі да н. э. для манархаў дзяржавы Куш. Разам з археалагічным помнікам Джэбель-Баркал, які знаходзіцца ў 10 км ад Нуры, унесены ў спіс сусветнай спадчыны ЮНЕСКА.

У 1 тысячагоддзі да н. э. некропаль Нуры знаходзіўся бліз Напаты, першай сталіцы дзяржавы Куш. Разам з Джэбель-Баркал з’яўляўся адным з галоўных сакральных месцаў Нубіі. Узвядзенне пірамід-грабніц манархаў Куша ў Нуры пачалося пры валадары Тахарка (690 — 664 гг. да н. э.), які меў тытулы корэ Куша і фараона Егіпта. Нуры заставаўся важным месцам пахавання і ў эпоху Мероэ, калі Напата страціла сваё значэнне. Апошнія грабніцы датуюцца 308 г. да н. э.

Археалагічныя даследаванні вядуцца з 1916 г.

Усяго ў Нуры налічваецца 61 піраміда. Найбольшая ў магільным комплексе піраміда Тахаркі мае плошчу 51,75 м² і ўзвышаецца ўсяго на 40 м. Піраміды будаваліся з чырвонага пясчаніка, які здабываўся непадалёк.

Першапачаткова піраміды Нуры мелі наступную структуру:

• A: сама піраміда
• B: уваходная капліца
• C: лесвіца або алея ў уваходную капліцу
• D: пахавальная камера

Найчасцей пахавальная камера была падземнай, злучалася з паверхняй вузкім тунэлем.

• Аль-Мусаўварат ас-Суфра

Сусветная спадчына ЮНЕСКА, аб’ект № 1073 рус. • англ. • фр.

• На Вікісховішчы ёсць медыяфайлы па тэме Нуры (Судан)
• unesco.org
• Napata, Sudan (including Djebel Barkal and Nuri) Архівавана 10 мая 2015.
• Kushite Pyramids in Nubia
• Philip Coppens, The Nubian Pyramids