Ордэн Дружбы народаў (Беларусь)

Ордэн Дружбы народаў
Арыгінальная назва Ордэн Дружбы народаў
Краіна Сцяг Беларусі Беларусь
Тып Ордэн
Каму ўручаецца грамадзянам
Дата заснавання 21 мая 2002
Статус уручаецца
Першае 5 ліпеня 2002
Колькасць 43
Характарыстыкі
Памеры дыяметр — 59 мм,
матэрыял — срэбра
Чарговасць узнагарод
Старэйшая Ордэн «За асабістую мужнасць», Беларусь
Малодшая Ордэн Пашаны, Беларусь
Лагатып Вікісховішча Медыяфайлы на Вікісховішчы
У паняцця ёсць і іншыя значэнні, гл. Ордэн Дружбы народаў.

Ордэн Дружбы народаў — дзяржаўная ўзнагарода сучаснай Беларусі.

Статут ордэна

Ордэнам Дружбы народаў узнагароджваюцца грамадзяне:

  • за значны ўнёсак у справу ўмацавання міру, дружалюбных адносін і супрацоўніцтва паміж дзяржавамі, кансалідацыі грамадства і адзінства народаў;
  • за асабліва плённую дзейнасць па збліжэнні і ўзаемаўзбагачэнню нацыянальных культур;
  • за высокія дасягненні ў міжнароднай грамадскай, дабрачыннай і гуманітарнай дзейнасці;
  • за вялікі асабісты ўнёсак у развіццё і множанне духоўнага і інтэлектуальнага патэнцыялу Рэспублікі Беларусь, актыўную дзейнасць па абароне правоў чалавека і яго сацыяльных інтарэсаў;
  • за асаблівыя заслугі ў развіцці знешнеэканамічнай дзейнасці, дэмакратыі і сацыяльнага прагрэсу.

Ордэн Дружбы народаў носіцца на шыйнай стужцы.

Апісанне

Ордэн Дружбы народаў уяўляе сабой знак, выкананы ў форме пяці- і дзесяціканцовай зорак. Пяціканцовая зорка, пакрытая чырвонай эмаллю і апраўленая па контуры выпуклымі кроплямі, накладваецца на дзесяціканцовую зорку дыяметрам 59 мм, якая ўтворана пяццю залацістымі пірамідальнымі гранямі і пяццю залацістымі пучкамі разбежных прамянёў. У цэнтры ордэна размешчана накладная выява зямнога шара з пяццю кантынентамі, асобныя дэталі якога пакрыты сіняй эмаллю. Зямны шар абрамлены абадком з выявай поціскаў рукі. Адваротны бок ордэна мае гладкую паверхню, у цэнтры знаходзіцца нумар ордэна.

Ордэн пры дапамозе вушка і плоскага кальца, да якога прымацаваны прамавугольны знак памерам 14х14 мм, які ўяўляе ў мініяцюры Дзяржаўны сцяг Рэспублікі Беларусь, злучаецца з муаравай стужкай сіняга колеру шырынёй 44 мм.

Ордэн Дружбы народаў вырабляецца са срэбра з пазалотай.

Спасылкі