Паветы Літвы

Паветы Літвы (літ. Lietuvos apskritys) — 10 адміністрацыйных адзінак, на якія падзеленая тэрыторыя Літвы.

Кожным паветам кіруе глава павета (літ.: apskrities viršininkas), якога прызначае ўрад краіны. Яго асноўная задача — гарантаваць выкананне на тэрыторыі павета Канстытуцыі Літоўскай Рэспублікі і законаў.

Паветы ўтвараюць тэрыторыі самакіраванняў (літ.: savivaldybė) 6 гарадоў, 2 курортаў і 43 раёнаў, а таксама 9 новаўтвораных самакіраванняў. Самакіраванні падзяляюцца на староствы (літ.: seniūnija).

Такім чынам, павет складаецца з розных адміністрацыйных адзінак. Напрыклад, Вільнюскі павет ахоплівае самакіраванне горада Вільнюса (тэрыторыя якога складаецца з 21 староства), самакіраванне Вільнюскага раёна, Эляктрэнайскае самакіраванне, самакіраванні Тракайскага, Укмяргскага, Шальчынінкайскага, Швянчонскага і Шырвінтаскага раёнаў. У сваю чаргу, напрыклад, Вільнюскі раён уключае горад Нямянчыне, мястэчкі Бяздоніс, Майшагала, Міцкунай, Шумскас, вёскі і падзелены на 23 староствы.

Самакіраванні буйных гарадоў (Алітус, Вільнюс, Каўнас, Клайпеда, Панявежыс, Шаўляй) ахопліваюць тэрыторыю аднаго горада (у некаторых выпадках з прадмесцямі). Самакіраванні курортаў (Паланга і Нярынга) уключаюць размешчаныя побач з імі населеныя пункты.

Паветы

№	Павет	Адміністрацыйны цэнтр	Плошча, кв.км	Насельніцтва, чал. (2011)^[1]	Шчыльнасць, чал./кв.км	Самакіраванне
1	Алітускі павет	Алітус	5425 (6)	157 766 (7)	29,08 (8)	самакіраванне горада Алітус самакіраванне Алітускага раёна (11 старостваў) самакіраванне Друскінінкайскае самакіраванне Лаздзійскага раёна (14 старостваў) самакіраванне Варэнскага раёна (8 старостваў)
2	Вільнюскі павет	Вільнюс	9760 (1)	810 403 (1)	83,03 (1)	самакіраванне горада Вільнюс (21 староства) самакіраванне Вільнюскага раёна (23 старостваў) самакіраванне Тракайскага раёна (8 старостваў; горад Тракай) самакіраванне Укмяргскага раёна (12 старостваў; Укмярге) самакіраванне Шальчынінкайскага раёна (13 старостваў; гарады Шальчынінкай, Эйшышкес) самакіраванне Швянчонскага раёна (14 старостваў; Швянчоніс, Швянчонелей, Пабрадзе) самакіраванне Шырвінтаскага раёна (8 старостваў; горад Шырвінтас, 5 мястэчкаў, 485 вёскі) самакіраванне Эляктрэнайскае (8 старостваў, гарады Эляктрэнай, Віевіс і наваколлі)
3	Каўнаскі павет	Каўнас	8060 (3)	608 332 (2)	75,48 (2)	самакіраванне горада Каўнас (10 старостваў) самакіраванне Бірштанаскае (горад Бірштанас і Бірштанаскае староства) самакіраванне Ёнаўскага раёна (8 старостваў) самакіраванне Кайшадорыскага раёна (11 старостваў) самакіраванне Каўнаскага раёна (23 староствы) самакіраванне Кедайнейскага раёна (12 старостваў) самакіраванне Прыенайскага раёна (10 старостваў) самакіраванне Расяйнейскага раёна (12 старостваў; гарады Расяйней і Арогала)
4	Клайпедскі павет	Клайпеда	5209 (7)	339 062 (3)	65,09 (3)	самакіраванне горада Клайпеда самакіраванне Клайпедскага раёна (11 старостваў) самакіраванне Крэцінгскага раёна (8 старостваў) самакіраванне Нярынгаўскае (2 староствы) самакіраванне горада Паланга (1 староства) самакіраванне Скуодаскага раёна (9 старостваў) самакіраванне Шылуцкага раёна (11 старостваў)
5	Марыямпальскі павет	Марыямпале	4463 (8)	161 649 (6)	36,22 (4)	самакіраванне Марыямпальскае (горад Марыямпале, 6 старостваў) самакіраванне Вілкавішкіскага раёна (12 старостваў) самакіраванне Кальварыйскае (4 староствы, уключаючы горад Кальварыю) самакіраванне Казлурудскае (4 староствы, уключаючы горад Казлу-Руда) самакіраванне Шакейскага раёна (14 старостваў)
6	Панявежыскі павет	Панявежыс	7881 (4)	250 390 (5)	31,77 (7)	самакіраванне горада Панявежыс самакіраванне Біржайскага раёна (8 старостваў) самакіраванне Купішкіскага раёна (6 старостваў) самакіраванне Панявежыскага раёна (11 староствы) самакіраванне Пасваліскага раёна (11 старостваў) самакіраванне Рокішкіскага раёна (10 старостваў)
7	Таўрагскі павет	Таўраге	4411 (9)	110 059 (10)	24,95 (9)	самакіраванне Пагегейскае (5 старостваў) самакіраванне Таўрагскага раёна (9 староствы) самакіраванне Шылальскага раёна (14 старостваў) самакіраванне Юрбаркаскага раёна (11 старостваў)
8	Цяльшэйскі павет	Цяльшэй	4350 (10)	152 078 (8)	34,96 (6)	самакіраванне Рыетаваскае (5 старостваў) самакіраванне Цяльшэйскага раёна (11 староствы) самакіраванне Мажэйкейскага раёна (9 старостваў) самакіраванне Плунгскага раёна (11 старостваў)
9	Уцянскі павет	Уцяна	7201 (5)	152 004 (9)	21,11 (10)	самакіраванне Анікшчэйскага раёна (10 староствы) самакіраванне Зарасайскага раёна (10 старостваў) самакіраванне Ігналінскага раёна (12 старостваў) самакіраванне Малетайскага раёна (11 старостваў) самакіраванне Уцянскага раёна (10 старостваў) самакіраванне Вісагінскае
10	Шаўляйскі павет	Шаўляй	8540 (2)	301 686 (4)	35,33 (5)	самакіраванне горада Шаўляй самакіраванне Шаўляйскага раёна (10 староствы) самакіраванне Акмянскага раёна (6 старостваў) самакіраванне Ёнішкіскага раёна (10 старостваў) самакіраванне Кяльмскага раёна (11 старостваў) самакіраванне Пакруойскага раёна (8 старостваў) самакіраванне Радзвілішкіскага раёна (14 старостваў)
	Усяго		65 300	3 043 429	46,61