Паездка ў Амерыку 2

Паездка ў Амерыку 2
англ.: Coming 2 America
Жанр	кінакамедыя
Рэжысёр	Craig Brewer[d]
Прадзюсар	Kevin Misher[d]
Сцэнарыст	Kenya Barris[d] David Sheffield[d] Barry W. Blaustein[d]
У галоўных ролях	Эдзі Мёрфі Джэймс Эрл Джонс Shari Headley[d] Arsenio Hall[d] Jermaine Fowler[d] Leslie Jones[d] Tracy Morgan[d] Уэслі Снайпс Kiki Layne[d] Teyana Taylor[d]
Кампазітар	Nile Rodgers[d]
Кінакампанія	Paramount Pictures
Працягласць	110 хв.
Краіна	ЗША
Мова	англійская
Год	5 сакавіка 2021[1]
Папярэдні фільм	Паездка ў Амерыку
IMDb	ID 6802400

«Паездка ў Амерыку 2» (англ.: Coming 2 America) — амерыканская кінакамедыя 2021 года. Сіквел фільма «Паездка ў Амерыку» (1988). Галоўную ролю адыграў Эдзі Мёрфі. У ім таксама зняліся Арсеніа Хол (як і Мёрфі ў розных ролях), Джэрмэйн Фаўлер, Леслі Джонс, Трэйсі Морган, Кікі Лэйн, Шэры Хідлі, Тэяна Тэйлар, Уэслі Снайпс і Джэймс Эрл Джонс. Фільм стаў апошнім кіназ’яўленнем Джэймса Эрл Джонса і Луі Андэрсана перад іх смерцю ў 2024 і 2022 гадах адпаведна^[2][3].

Першапачаткова фільм планавалася выпусціць у кінатэатрах кампаніяй Paramount Pictures, але з-за пандэміі COVID-19 правы на яго распаўсюджванне былі прададзены Amazon Studios. Amazon выпусціў яго ў лічбавым фармаце праз Amazon Prime Video 5 сакавіка 2021 года^[4]. Фільм атрымаў неадназначныя водгукі крытыкаў. Як і яго папярэднік, фільм быў намінаваны на 94-й цырымоніі ўручэння прэміі «Оскар» за найлепшы грым і прычоскі.

30 гадоў прайшло пасля паездкі Акіма ў Амерыку. У Замундзе ўсё спакойна: кароль Джафэ Джофер усё яшчэ на троне, краіна квітнее, а ўжо немалады прынц шчасліва жанаты і выхоўвае трох дачок. Вось толькі генерал з суседняй Некстдорыі не прапускае нагадаць Акіму аб адсутнасці ў таго спадчынніка і сватае свайго сына да старэйшай прынцэсы. Раптам шаман аб’яўляе, што ў Штатах жыве незаконнанароджаны сын Акіма, і яго трэба хутчэй прывезці ў Замунду. Акім з верным памагатым Сэмі зноў адпраўляецца ў Амерыку.

• Паездка ў Амерыку 2 на сайце «Internet Movie Database» (англ.)