Правакацыя (гурт)

Правакацыя
Жанр	панк-рок
Гады	1993—2000
Краіна	Беларусь
Горад	Мінск
Мова песень	беларуская
Склад	Альгерд Бахарэвіч

«Правака́цыя» — беларускі панк-рок гурт, які існаваў у 90-х гадах XX стагоддзя. Заснавальнікам і лідарам гурта быў Альгерд Бахарэвіч, які пісаў тэксты песень і з’яўляўся вакалістам. Тэксты песняў маюць найперш іранічна-палітычны характар, уяўляюць сабой своеасаблівы творчы пратэст.

Гурт быў створаны ў 1993 годзе, дэбют адбыўся на першым фестывалі «Раздавім фашысцкую гадзіну» ў Мінску. У гады існавання гурт прымаў удзел у шматлікіх акцыях і фестывалях, сярод якіх варта адзначыць «Раздавім фашысцкую гадзіну», «Вольныя танцы», «Хай што-небудзь адбудзецца», «Гэта ты, Моцарт?!», усяго было дадзена каля паўсотні канцэртаў. Акрамя Мінска гурт граў у Магілёве, Лагойску, Талачыне. Апошні канцэрт «Правакацыі» быў дадзены ў 2000 годзе ў мінскім клубе «Медыўм» сумесна з беларускім гуртом Hate to State і ірландскім Call Center. 22 лютага 2003 гурт уз’яднаўся, каб даць яшчэ адзін канцэрт, які адбыўся ў Талачыне.

За час існавання «Правакацыі» ў яе складзе грала 11 музыкаў. Фактычна, адзіным нязменным чальцом гурта з’яўляўся «Алежка» — Альгерд Бахарэвіч.

• Альгерд Бахарэвіч: спеў, тэксты
• Уладзімір Лушчынскі: ударныя
• Вольга Краўцова: бас-гітара (1999—2000)
• Паляжаеў Мікалай: бас-гітара (1997—1999)
• Андрэй Бараноўскі: гітара
• Максім Баравікоў: гітара
• Сяржук Мядзелка: спеў

У 1999 годзе гуртом быў запісаны і выдадзены адзіны студыйны альбом пад назвай «Звычайная раніца». Больш раннія запісы рабіліся ў хатніх умовах і распаўсюджваліся толькі сярод знаёмых. Альбом «Звычайная раніца» ўключае 8 кампазіцый:

1. «Карычневае»
2. «Не занадта»
3. «Шэф у гістэрыцы»
4. «Квітней, мая Быдляндыя»
5. «Тан’я»
6. «I Wanna Be Your Dog»
7. «Нацыянальны сход»
8. «Адчай»

• Юрась Барысевіч. Іголка прозы. Ліставаньне з Альгердам Бахарэвічам (нявызн.) (9 лютага 2007). Архівавана з першакрыніцы 2 верасня 2007. Праверана 15 сакавіка 2017.
• Фота з канцэрту ў Талачыне гурта «Правакацыя»
• Правакацыя на Last.fm