Самора (ісп.: Zamora) — правінцыя на захадзе Іспаніі, у складзе аўтаномнай супольнасці Кастылія і Леон. Адміністрацыйны цэнтр — Самора. Тэрыторыя — 10 561 км² (22-е месца сярод правінцый краіны). Асноўныя рэкі — Дуэра і яе прытокі Вальдэрадуэй, Эсла, Арбіга, Тэра, Гуарэнья, Тормес. Насельніцтва — 198 тыс. чал. (45-е месца; даныя 2005 года). У правінцыі Самора з мясцовага авечага малака вырабляецца сыр «Самарана».