Сцяг Чада

Сцяг Рэспублікі Чад
Зацверджаны	6 лістапада 1959
Прапорцыя	2:3

Дзяржаўны сцяг Чада — прыняты 6 лістапада 1959 года. Амаль ідэнтычны сцягу Румыніі.

Сцяг Чада складаецца з трох вертыкальных палосаў: сіняй, жоўтай і чырвонай. Ён уяўляе сабой камбінацыю сцяга Францыі, былой метраполіі, і панафрыканскіх колераў (зялёнага, жоўтага, чырвонага).

Колеры маюць наступнае значэнне:

• Сіні колер сімвалізуе неба, надзею і ваду.
• Жоўты колер увасабляе сонца і пустыню ў паўночнай частцы краіны.
• Чырвоны колер сімвалізуе прагрэс, адзінства, а таксама кроў, пралітую за незалежнасць Чада.