Універсітэт імя Дж. Эмары

Універсітэт імя Дж. Эмары
англ.: Emory University
Арыгінальная назва англ.: Emory University
Заснаваны 1836
Студэнты 12 756 і 14 915[1]
Краіна
Размяшчэнне Атланта, Джорджыя, ЗША
Сайт emory.edu
Лагатып Вікісховішча Медыяфайлы на Вікісховішчы

Універсітэт імя Дж. Эмары (англ.: Emory University) — амерыканская прыватная вышэйшая навучальная ўстанова са статусам даследчага ўніверсітэта, якая месціцца ў горадзе Атланта ў штаце Джорджыя, ЗША.

Агульная характарыстыка

Універсітэт быў заснаваны ў 1836 годзе як каледж метадысцкай епіскапальнай царквой і названы ў гонар метадысцкага біскупа Джона Эмары. Яго галоўны кампус знаходзіцца ў 5 км ад цэнтра Атланты. Універсітэт займае 15-е месца сярод каледжаў і універсітэтаў ЗША і класіфікуецца як доктарскі ўніверсітэт з вельмі высокай даследчай актыўнасцю. Ён быў запрошаны ў Асацыяцыю амерыканскіх універсітэтаў у 1995 годзе.

Ва ўніверсітэце дзейнічае Інстытут рака, Нацыянальны даследчы цэнтр прыматаў і многія даследчыя цэнтры хвароб і вакцын. Універсітэт знаходзіцца побач з Цэнтрамі па кантролі і прафілактыцы захворванняў ЗША і з'яўляецца ягоным даўнім партнёрам у глабальных і нацыянальных прафілактычных і даследчых ініцыятывах. Універсітэт з'яўляецца вядучым каардынатарам Нацыянальнага навучальнага і адукацыйнага цэнтра па ліхаманцы Эбола Міністэрства аховы здароўя ЗША. Ва ўніверсітэце знаходзіцца штаб-кватэра Міжнароднай асацыяцыі нацыянальных інстытутаў грамадскага аховы здароўя.

Сярод выкладчыкаў і выпускнікоў універсітэта 1 прэзідэнт ЗША, 2 прэм'ер-міністры іншых краін, 9 кіраўнікоў універсітэтаў, 11 дэпутатаў Кангрэса ЗША, 2 лаўрэаты Нобелеўскай прэміі, віцэ-прэзідэнт ЗША, спікер Палаты прадстаўнікоў ЗША, і 1 суддзя Вярхоўнага суда ЗША. Сярод іншых вядомых выпускнікоў 21 стыпендыят Родса і 6 лаўрэатаў Пулітцэраўскай прэміі, а таксама лаўрэаты прэміі Эмі, лаўрэаты прэміі Грэмі, стыпендыяты Макартура, кіраўнікі замежных дзяржаў і інш.

Структура

  • Каледж Эмары
  • Оксфардскі каледж
  • Школа бізнесу
  • Школа права
  • Школа медыцыны
  • Школа медсястрынства
  • Школа грамадскага здароўя
  • Школа тэалогіі
  • Школа магістратуры і аспірантуры

Гл. таксама

Крыніцы

  1. ↑ U.S. and Canadian 2022 NTSE Participating Institutions Listed by Fiscal Year 2022 Endowment Market Value, Change in Market Value from FY21 to FY22, and FY22 Endowment Market Values Per Full-time Equivalent Student (Excel) — National Association of College and University Business Officers, 2023. Праверана 22 мая 2023.
  2. ↑ Global Research Identifier Database — 2015. Праверана 13 чэрвеня 2020.

Спасылкі