Уральскі дзяржаўны ўніверсітэт шляхоў зносін

Уральскі дзяржаўны ўніверсітэт шляхоў зносін
Заснаваны	1956
Студэнты	18 000
Краіна	Расія
Сайт	usurt.ru

Уральскі дзяржаўны ўніверсітэт шляхоў зносін (руск.: Уральский государственный университет путей сообщения) — вышэйшая навучальная ўстанова ў горадзе Екацярынбург.

Універсітэт быў створаны ў Свярдлоўску ў 1956 годзе як Уральскі электрамеханічны інстытут інжынераў чыгуначнага транспарту на базе Свярдлоўскага чыгуначнага тэхнікума. Першы факультэт ва ўніверсітэце быў адкрыты ў 1957 годзе. У 1994 годзе ВНУ атрымала новую назву — Уральская дзяржаўная акадэмія шляхоў зносін. Аднак, ужо ў 1999 годзе акадэмія набыла сваю бягучую назву — Уральскі дзяржаўны ўніверсітэт шляхоў зносін^[1].

У сваім складзе ўніверсітэт мае наступныя факультэты:

• будаўнічы
• кіравання працэсамі перавозак
• механічны
• эканомікі і кіравання
• электрамеханічны
• электратэхнічны

Таксама ў складзе ўніверсітэта маюцца два інстытуты, якія ажыццяўляюць навучанне па завочнай форме: Інстытут завочнай адукацыі і Інстытут дыстанцыйнай адукацыі. Універсітэт валодае структурнымі падраздзяленнямі ў гарадах: Чалябінск, Перм, Курган, Цюмень, Ніжні Тагіл і Златавуст^[2].