Эдмон Дантэс

Эдмон Дантэс
Стваральнік Аляксандр Дзюма
Інфармацыя
Мянушка граф Монтэ-Крыста
Пол мужчына
Нацыянальнасць француз
Статус вязень, арыстакрат
Род заняткаў марак
Рэлігія каталіцтва
Дата нараджэння 1796
Месца нараджэння Марсель
Сваякі Луі Дантэс (бацька)
Лагатып Вікісховішча Edmond Dantès на Вікісховішчы

Эдмон Дантэс (фр.: Edmond Dantès), таксама вядомы як граф Монтэ-Крыста (фр.: Comte de Monte-Cristo) — прыдуманы персанаж, галоўны герой рамана Аляксандра Дзюма «Граф Монтэ-Крыста». У рамане таксама выкарыстоўвае псеўданімы абат Бузоні, лорд Уілмар і інш.

Гэта малады французскі марак, сумленны, смелы і добрасардэчны чалавек, які ў пачатку рамана служыць першым памочнікам капітана на караблі «Фараон». Лёс добразычлівы да яго: яго любіць бацька, паважае экіпаж, а таксама ён збіраецца ажаніцца на прыгажуне Мерсэдэс Эрэра. Аднак напярэдадні вяселля ён становіцца ахвярай падступнай змовы.

Дантэса несправядліва абвінавачваюць і заключаюць у турму замка Іф па даносу трох яго зайздроснікаў: Фернана Мандэго (раўнівага суперніка, жадаючага ажаніцца на Мерсэдэс), Данглара (клерка, які зайздросціць яго кар'ернаму росту). Суддзя Вільфор, баючыся выкрыцця палітычнай таямніцы сваяго бацькі, вырашае адправіць Дантэса ў турму без суда.

У турме ён праводзіць 14 гадоў, знаходзячыся ў поўнай адзіноце, пакуль не знаёміцца ​​з іншым вязнем — абатам Фарыя. Гэты мудры стары навучае яго навукам, мовам і філасофіі, а таксама распавядае аб схаваным скарбе на маленькім і бязлюдным востраве Монтэ-Крыста. Пасля смерці Фарыя Дантэс здзяйсняе дзёрзкія ўцёкі, падмяніўшы сабой цела памерлага абата.

Выявіўшы скарб на востраве Монтэ-Крыста, Дантэс ператвараецца ў таямнічага і магутнага графа Монтэ-Крыста. Ён выкарыстоўвае сваё багацце, інтэлект і ўплыў, каб адпомсціць тым, хто разбурыў ягонае жыццё. Яго помста накіравана на трох змоўшчыкаў: Фернана Мандэго, які становіцца багатым вяльможай, але выкрыццё яго здрады змушае яго пакончыць з сабой; Данглара, які становіцца банкірам, але губляе ўсе грошы і застаецца прыніжаным; і Вільфора, які губляе розум, калі амаль уся яго сям'я гіне з-за яго ж злачынстваў. Адначасова Дантэс дапамагае сваім сябрам і добрым людзям, у тым ліку юнаму Максімільяну Марэлю, якому ён вяртае маёмасць і каханне.

Дантэс праходзіць шлях ад наіўнага і даверлівага маладога чалавека да складанага, шматузроўневага персанажа, які рухаецца прагай справядлівасці. Ён выкарыстоўвае лёс і багацце як інструменты адплаты, але з часам усведамляе, што помста не заўсёды прыносіць шчасце. Яго фінальныя словы: «Чакаць і спадзявацца» — выяўляюць яго новую філасофію пакоры і прыняцця.

Эдмон Дантэс/ граф Монтэ-Крыста стаў адным з самых знакавых персанажаў сусветнай літаратуры, увасабляючы тэмы помсты, справядлівасці і адкуплення. Раман шматкроць экранізаваўся, а постаць Дантэса натхніла мноства літаратурных і кінематаграфічных герояў.

Спасылкі