Doom Troopers

Doom Troopers (другая назва — Mutant Chronicles: Doom Troopers) — відэагульня ў жанры платформер, распрацаваная кампаніяй Adrenalin Entertainment і выдадзеная Playmates Interactive для гульнявых платформаў Sega Mega Drive/Genesis і SNES у 1995 годзе.

Цёмны Легіён (англ.: Dark Legion) з дапамогай зомбі і мутантаў захапіў уладу над зямлёй. Яму процістаяць сілы супраціўлення, што змагаюцца супраць захопнікаў.

Гульня з’яўляецца платформерам з відам збоку і двухмернай графікай. У ёй некалькі ўзроўняў, на якіх прысутнічаюць ворагі і карысныя прадметы (напрыклад, боепрыпасы). Асноўная задача на ўзроўнях — прайсці іх ад пачатку да канца, знішчаючы ворагаў. Гуляць трэба будзе за салдатаў супраціўлення, пехацінцаў Мітча Хантэра і Макса Стайнера.

Крытыкі далі ў асноўным невысокія ацэнкі. Інфармацыйны сайт All Game Guide і гульнявы часопіс GamePro ацанілі гульню ў 2,5 і 2 балы з 5^[1].