Hortus Musicus

Hortus Musicus (з лац.:  — Музычны сад) — эстонскі музычны ансамбль, створаны ў 1972 па ініцыятыве Андрэса Мустанена (нар. 1953), тагачаснага студэнта Талінскай кансерваторыі па класе скрыпкі, цяпер — дырыжора і кіраўніка.

Аснова рэпертуару Hortus Musicus — заходнееўрапейская музыка IX—XVII стст. Акрамя таго, ансамбль выконвае традыцыйную (прафесійнаю) музыку Індыі, Арменіі і блізкага Усходу, сачыненні сучасных кампазітараў, у тым ліку напісаныя спецыяльна для ансамбля (Арва Пяртам, Лепа Сумерам, Э.-С. Цюйрам, Віктарам Сусліным, Аляксандрам Рабіновічам).

У 1974 г. Hortus Musicus запісаў першы дыск, прысвечаны грыгарыянскаму харалу. У далейшым ансамбль выпусціў яшчэ каля 35 альбомаў (дыскаў). Hortus Musicus пабываў з канцэртамі ў большасці краін Еўропы, у ЗША, Ізраілі, Японіі, удзельнічаў у найбуйнейшых міжнародных фестывалях. У 2000-х гадах ансамбль часцей выступае з праграмамі, у якіх наўмысна змяшаны ўзоры старажытнай, традыцыйнай і сучаснай кампазітарскай музыкі.