International Plant Names Index

International Plant Names Index (IPNI)
англ.: International Plant Names Index
URL	ipni.org/index.html
Камерцыйны	Не
Тып сайта	База даных
Рэгістрацыя	Не
Мова(-ы)	англійская
Аўтар	Каралеўскія батанічныя сады К'ю (Index Kewensis) Гербарый Гарвардскага ўніверсітэта Аўстралійскі нацыянальны гербарый (APNI)
Пачатак працы	1999
Рэйтынг Alexa	542 480[1]

International Plant Names Index (англ.: IPNI — Міжнародны паказальнік навуковых назваў раслін) — сайт у сетцы Інтэрнэт, які забяспечвае доступ да базы даных навуковых (лацінскіх) назваў раслін. Рэсурс створаны з мэтай стандартызацыі інфармацыі, якая ўваходзіць у батанічную наменклатуру. База змяшчае назвы насенных раслін і папараці, якія выкарыстоўваюцца біялагічнай сістэматыкай. Найбольш шырока прадстаўлены назвы таксонаў рангу віду і роду. Запісы базы даных уключаюць асноўныя бібліяграфічныя звесткі пра першасныя крыніцы, якія выкарыстоўвалі гэтыя назвы. Стандартныя скарачэнні (абрэвіятуры) імёнаў аўтараў назваў даюцца ў адпаведнасці з рэкамендацыямі Міжнароднага кодэкса батанічнай наменклатуры і на аснове даных кнігі «Authors of Plant Names»^[2], якія абнаўляюцца і дапаўняюцца.

Сайт і база даных створаны сумесна трыма арганізацыямі: Каралеўскімі батанічнымі садамі К'ю (Index Kewensis), Гербарыем Гарвардскага ўніверсітэта (англ.: Harvard University Herbaria) (Gray Herbarium Index^[3]) і Аўстралійскім нацыянальным гербарыем (англ.: Australian National Herbarium) (APNI), якія падалі батанічныя звесткі для гэтага рэсурсу.

Сайт пачаў сваю працу ў 1999 годзе. Доступ да інфармацыі, размешчанай у базе сайта, падаецца бясплатна. Рэсурс паведамляе назвы раслін, якія сустракаліся ў навуковых публікацыях, але не рэгламентуе іх выкарыстанне ў батанічнай наменклатуры.

Падобны праект Index Fungorum^[4] змяшчае звесткі пра назвы грыбоў.

Зноскі

Спасылкі

• Towards a working list of all known plant species