Zündapp KS 750

Zündapp KS 750
Вытворца	Zündapp
Гады выпуску	1941–1948
Тып	Матацыкл з калыскай
Рухавік
Тактавасць	4
Магутнасць, к.с.	19 кВт (26 к.с.)
Zündapp KS 750 на Вікісховішчы

Zündapp KS 750 — цяжкі армейскі матацыкл, які вырабляўся ў Германіі ў 1941—1948 гг.

Матацыкл KS750 быў сканструяваны адмыслова для ваенных мэтаў. Выкарыстоўваўся германскай арміяй, звычайна, у складзе разведвальных або асобных матацыклетна-стралковых частак, маглі быць на ўзбраенні ўзводаў кіравання і сувязі штабных рот і батарэй розных воінскіх частак, разведкі, фельдсвязі, палявой жандармерыі. Нараўне з падобнай мадэллю BMW R75 быў адным з характэрных германскіх матацыклаў часоў Другой сусветнай вайны. Каля 70% частак матацыклаў Zündapp KS 750 і BMW R75 былі ўзаемазаменнымі, што вельмі спрашчала пастаўкі войскаў запаснымі часткамі да матацыклаў.

Сілавы агрэгат уяўляў сабой гарызантальны двухцыліндравы рухавік з паветраным астуджэннем і скрынку перадач з чатырма пярэднімі і заднімі перадачамі.

Матацыкл абсталёўваўся каляскай, кола якой мела прывад праз блакаваны дыферэнцыял, тарсіённую падвеску, і тормаз кола ад задняй восі матацыкла. Злева і справа на кузаве мацаваліся сумкі з баепрыпасамі, а ў пярэдняй часткі на спецыяльнай турэлі ўсталёўваліся кулямёты MG-34 або MG-42.

Да 1942 года вырабляўся грамадзянскай прамысловасцю, а ў 1942—1945 гг. — вайсковым ведамствам. Усяго было выпушчана 18.695 матацыклаў Zündapp KS 750 Wehrmachtsgespann^[1].

Агульныя:

• Даўжыня: 2385 мм
• Баявая маса (з каляскай): 0,4 т
• Вага каляскі: 130 кг
• Дапушчальная макс. нагрузка: 0,6 т
• Ёмістасць бака: 23 л
• Сярэдні расход паліва: 6,5 л/100 км
• Запас ходу: 300 км

Рухавік:

• Тып: 2-цыліндравы чатырохтактны з апазітным размяшчэннем цыліндраў
• Аб'ём: 745 куб. см
• Ход поршня: 85 мм
• Магутнасць: 26 к.с./19 кВт
• Сістэма запальвання: магнета

Хадавыя якасці:

• Трансмісія: Карданная галоўная перадача з прывадам на кола каляскі
• Скрынка перадач: 4 хуткасці, 1 паніжальная, 1 задняя
• Тормазы: Пярэдні — Seilzug, Задні і тормаз каляскі — барабанны з гідраўлічным прывадам
• Макс. хуткасць 95 км / г.
• Максімальны вугал пад'ёму: 45 °
• Максімальная глыбіня броду: 425 мм

• c. 521, МАТАЦЫКЛЫ: Сусветная энцыклапедыя. - М: АСТ: АСТ М74 Масква, 2005, ISBN 5-17-035499-1.