Ec'hinades
An Ec'hinades (αἱ Ἐχινάδες νῆσοι hervez Herodotos, Thucydides, ha Strabon) zo Inizi Ionian dirak aod Akarnania, en Hellaz.
Rannet e vez an enezeg e teir lodenn:
- an Drakoneres en hanternoz
- ar Modia er c'hreiz
- an Ouniades er c'hreisteiz.
C'hwec'h anezho zo bet prenet gant Hamad Ben Khalifa Al-Thani, emir Qatar evit 8,5 milion a euroioù.
Mojenn
Bez' e vijent peder nimfenn troet en inizi penegwir o devoa ankounac'haet enoriñ an doue-stêr Ac'heloos, ha kaset e voent gant dour ar stêr konnaret betek an donvor.
Istor
Tost dezho e c'hoarvezas emgann an Ec'hinades en 1427 hag Emgann Lepanto en 1571 .
Levrlennadur
- Richard Talbert, Barrington Atlas of the Greek and Roman World, (ISBN 0-691-03169-X), p. 54.