Eil argadenn Jassy–Kishinev

Eil argadenn Jassy–Kishinev

argadenn vilourel

Rann eus	Talbenn ar Reter
Stad	Unaniezh ar Republikoù Sokialour ha Soviedel, Roumania
Lec'h	Moldavia
Deiziad	29 Eos 1944
Deiziad kregiñ	20 Eos 1944
Deiziad echuiñ	29 Eos 1944

Eil argadenn Jassy–Kishinev^{[1][2][3] [4]}, a c'hall bezañ anvet e modoù all hervez ar mammennoù istorel, en o zouez Oberiadur Yassy–Kishinev (Chris Bellamy, 1986), Oberiadur Iassi–Kishinev (David Glantz, 1997), Eil oberiadur Iasi–Kishinev (David Glantz, 2007) a-ziwar anv kêrioù bras, Jassy ha Kishinev, en tiriad a veze stourmet d'ar mare, a voe un argadenn soviedel a-enep nerzhioù an Ahel e reter Roumania, etre an 20 hag an 29 a viz Eost 1944, e-kerzh an Eil Brezel-bed. An 2l ha Trede talbenn ukrainian eus al Lu Ruz o devoa taget Strollad Arme Su Ukraina, a oa savet gant unvezioù eus an Alamagn Nazi ha Roumaned, en un oberiadur-brezel evit adkemer Besarabia ha distrujañ nerzhioù an Ahel er rannvro, o klask digeriñ un hent war-zu Roumania hag ar Balkanioù.

Disoc'h an argadenn a oa bet kelc'hiadur ha distruj an nerzhioù lu alaman, o reiñ an tu d'al lu soviedat da genderc'hel gant e lañs strategel war-zu Reter Europa. Dre an disoc'h-se e oa bet Roumania o cheñch tu o treiñ eus an Ahel etrezek ar Gevredidi. Evit an Alamanted e oa bet ur c'holl spontus, hag a c'hell bezañ keñveriet gant koll Stalingrad.

Ar c'holloù a oa bet 13 197 den marvet, 53 933 gloazet pe klañv evit URSS. E tu Roumania a stourme asambles gant URSS e oa bet 8586 den lazhet pe gloazet. E tu an Alamanted e oa bet 150 000 den lazhet, gloazet pe prizoniet. Evit an tu eus Roumania a stourme gant an Trede Reich e oa bet un niver a chom dianav met uhel.