Georgina

Georgina zo un anv-badez saoznek roet d'ar merc'hed, savet diwar an anv-badez George, roet d'ar baotred (ha bet anv c'hwec'h roue saoz).

• Georgia ha Georgiana zo anavezet ivez e saozneg.

• Georgine, en alamaneg,
• Georgette e galleg,
• Giorgia ha Giorgina en italianeg,
• Jiřina e tchekeg.

Deuet e vije an anv eus noblañsed Alamagn, ha lakaet diouzh ar c'hiz en tiegezhioù uhel saoz, hag alese e-touez an dud ordinal. Nebeud anavezet eo an anv a-hend-all. E Bro-Saoz ec'h erruas dre an anv George, gant ar roue George Iañ ( 1660 – 1727), deuet eus Rouantelezh Hannover, met anavezet mat e oa an anv a-raok.

• Charlotte Georgine Luise von Mecklenburg-Strelitz, dugez Mecklenburg-Strelitz (1769 -1818).
• Katharina Charlotte Georgine Friederike Sophie Therese von Sachsen-Hildburghausen, anavezetoc'h evel Charlotte von Sachsen-Hildburghausen (1787-1847), priñsez Württemberg .
• Georgina von Wilczek, priñsez eus Liechtenstein.

• Georgina Hogarth (1827 – 1917), c'hoar-gaer da Charles Dickens
• Christina Georgina Rossetti (1830-1894), barzhez saoz,
• Georgine Schubert (1840-1878), kanerez alaman
• Georgina de Albuquerque (1885-1962), livourez brazilian
• Georgina Rizk, miss Universe 1971 eus Liban

• Georgine von Milinkovic (1913 -1986 ), c'hoariganerez alaman
• Georgina Beyer (1957- ), politikourez nevezelandat, anavezet evel George Bertrand a-raok dont da vout ur vaouez
• Caroline Georgine Corr ( 1973- ), anavezetoc'h evel Caroline Corr, taboulinerez el laz-seniñ The Corrs;
• Georgina Dufoix, politikourez c'hall (PS), bet ministrez

• Georgina Chapman, aktourez saoz ha marc'hadourez-dilhad
• Georgina Verbaan, aktourez izelvroat

• ar stêr Georgina, e Queensland .

• Georgina, ur gêr en Ontario, e Kanada
• Enez Georgina, un enezenn e Lenn Simcoe dirak Georgina, Ontario

• Georges
• Jiřina
• Jorge