Herri III Mecklenburg

Herri III Mecklenburg, pe Heinrich III der Hänger von Mecklenburg hervez an alamaneg, ganet en 1337, ha lazhet dre wall zegouezh d'ar 24 a viz Ebrel 1383 e Schwerin, a oa dug Mecklenburg. Kenzug Mecklemburg-Schwerin e voe eus 1379 betek 1383.

Mab e oa da Alberzh II Mecklemburg ha da Euphémie Sveden.

Dimeziñ ha bugale

Dimeziñ a reas en 1361 da Ingeborg Danmark (1347-1370), merc'h henañ ar roue Valdemar IV Danmark.

Pevar bugel o doe:

• Alberzh IV Mecklemburg, kenzug Mecklemburg adal 1383 betek 1388
• Euphémie Mecklemburg (†1416), a zimezas en 1377, da Yann V Mecklemburg-Werle-Güstrow (1340-1377), mab da Nikolaz III Mecklemburg-Werle-Güstrow
• Marie Mecklemburg (1363-1402), a zimezas en 1380, d'an dug Vartislav VII Pomerania (†1395)
• Ingeburge Mecklemburg (1368-1408), abadez Ribnitz.

Pa intañvas Herri III Mecklemburg e timezas e 1377 da Mechtild von Werle-Güstrow, merc'h da Bernard II von Werle-Güstrow. Bugel ebet n'o doe.

E varv

Lazhet e voe Herri III Mecklemburg en un tournamant e miz Ebrel 1383. E vreur Magnus Iañ Mecklemburg a genrenas neuze gant e niz Alberzh IV Mecklemburg. Beziet e voe Herri III Mecklemburg en Iliz-veur Doberan.

Liammoù diabarzh

E zaou dad-kozh

• Herri II Mecklemburg
• Erik Magnusson