Homeworld (heuliad c'hoarioù video)

Homeworld

c'hoari video

Dezerc’her	Paul Ruskay
Ti-embann	Sierra Entertainment
Bro orin	Kanada
Yezh an oberenn pe an anv	saozneg
Deiziad embann	28 Gwe 1999
Sonaozer	Paul Ruskay
Diorroer	Relic Entertainment
Savenn	Microsoft Windows, OS X
Doare c'hoari	c'hoari video liesc'hoarier, c'hoari e-unan
Trobarzhell dont tre	logodenn, touchennaoueg
Software version identifier	1.05
Renkadur ESRB	Everyone
Renkadur USK	USK 12
Lec'hienn ofisiel	http://www.relic.com/games/homeworld/
Endro e-lec'h e tispak	Egor

Homeworld a zo un heuliad c'hoarioù video strategiezh sevenet gant Relic Entertainment hag embannet gant Sierra Studios. Ar c'hentañ tamm a voe embannet d'an 28 a viz Gwengolo 1999 war Windows.

Ur c'hantved a-raok penn kentañ ar c'hoari e oa bet kavet un egor-lestr e dezerzh ar blanedenn Kharak, ouzhpenn-se e oa ur mean kartenn o tiskouez lec'hiadur Kharak hag ur blanedenn all pell er galaksienn anvet "Hiigara"—ti. An dizoloadenn a lakas klanioù ar blanedenn da gendeuziñ ur wech komprenenet ne oant ket a orin eus ar blanedenn Kharak met eus unan all pell. Mennet gant ar mennozh distreiñ d'o blanedenn orin ar c'hlanioù a grogas gant studiañ an egor-lestr ha da sevel ul lestr-egor ramzel e-pad ar c'hant vloaz war-lerc'h. Ur wech echuet al lestr-egor ramzel lesanvet "mothership" hag a c'helle degemer betek 600 000 den etrezek ar blanedenn Hiigara, gant e-penn an traoù ar skiantourezh Karan S'jet.

Ar c'hoari a grog gant beaj ar kentañ ar mothership, testoù a vez graet war al lammoù egor. Ur wech echuet an testoù e-plas adkavout ul lestr-egor harp e vez kavet ganto ur flodad brezel dianav. Ur wech trec'het ar flodad brezel estrañjour e tistroont da Kharak. Ar blanedenn a zo peurzistrujet gant ur flodad estren all. Ne chom mui nemet izili ar flodad da vezañ bev goude un emgann e vez tapet ul lestr enebour ganto. An dreistbeverien a gompren neuze e voe devet ar blanedenn dre ma oa bet savet ganto un teknologiezh lammoù egor ar pezh a oa difennet groñs gant ur feur-emglev disoñjet oadet a 4 000 bloaz etre an Impalaeriezh egor Taiidan (saozneg: Interstellar Taiidan Empire hag harluidi Kushan ar blanedenn Kharak.

Tri c'hoari a zo bet savet en heuliad c'hoarioù video Homeworld gant un ouzhpennadur d'an hini kentañ.