Mantell

Ur vantell (eus ar ger latin mantellum) zo ur pezh dilhad hir, tev, ha tomm, a vez douget er broioù yen, pe pa vez yen, evel dilhad war-benn alies, war-benn ur porpant pe chupenn alies. Tapout a ra izeloc'h eget an dargreiz, eget ar porpant eta, betek an daoulin alies, pe izeloc'h zoken. Ponner e vez ar mantilli peurvuiañ, met darn a vez skañvoc'h.

Douget e vez ar mantilli gant gwazed evel gant maouezi, met disheñvel e vezont: strishoc'h e vez re ar merc'hed peurvuiañ.

Mantilli a bep seurt

A bep seurt mantilli zo, tev pe devoc'h, hir pe hiroc'h, hag anvioù a bep seurt dezhe.

• Bournous
• Chesterfield, kuzhet an nozelennoù warni
• Duffle coat, gant ur gabell
• Kaban
• Kabig
• Levitenn
• Loden pe lodo, mantell a liv gwer, eus Tirol, anavezet abaoe ar XIVvet kantved,
• Mantell-c'hlav: meur a seurt zo
• Mantell war-benn
• Mc Farlane, mantell hir divilgin, ur c'hab outi;
• Paludamentum, mantell ar jeneraled roman en amzer ar Republik ;
• Parka
• Poncho
• Trench-coat

Mojennoù ha lennegezh

• Istor Martinus (pe Marzhin), ar soudard roman kristen a rannas e vantell gant ur paour.
• Ar Vantell ( Шинель / Shinel, e ruseg) un danevell gant ar skrivagner rus Nikolai Gogol, a chom da dreiñ e brezhoneg.

Skeudennoù

• 
  Martinus o rannañ e vantell gant ar paour, hervez El Greco.
• 
  Napoleone Buonaparte war varc'h, e penn e arme e 1812, war e zistro eus Moskva, en ur vantell louet, livet gant Jean-Louis-Ernest Meissonier.
• 
  Golo al levr Ar Vantell, treset gant Igor Grabar, war-dro 1890
• 
  Ofiserien eus an RAF, an aerlu saoz, e Bro-C'hall e 1939, en o mantilli
• 
  Mantell feur Margit Schumann, atletourez reteralaman (DDR) e C'hoarioù Olimpek ar Goañv e 1972.
•