Poullaouen
| Poullaouen | ||
|---|---|---|
 Ar vourc'h, gwelet eus ar Vengleuz. | ||
| ||
| Anv gallek (ofisiel) | Poullaouen | |
| Bro istorel |  Kernev
| |
| Melestradurezh | ||
| Departamant | Penn-ar-Bed | |
| Arondisamant | Kastellin | |
| Kanton | Karaez-Plougêr | |
| Kod kumun | 29227 | |
| Kod post | 29246 | |
| Maer Amzer gefridi | Didier Goubil 2001-2026 | |
| Etrekumuniezh | Poc'hêr Kumuniezh | |
| Lec'hienn web | http://www.mairie-poullaouen.fr | |
| Poblañsouriezh | ||
| Poblañs | 1 473 ann. (2020)[1] | |
| Stankter | 17 ann./km² | |
| Douaroniezh | ||
| Daveennoù lec'hiañ | ||
| Uhelderioù | bihanañ 69 m — brasañ 218 m | |
| Gorread | 88,56 km² | |
|
||
kemmañ  |
||
Poullaouen ([pu'lɔw(ɘ)n]) zo ur gumun e Bro-Gerne (Poc'hêr) e kanton Karaez-Plougêr, e departamant Penn-ar-Bed, e kornôg Breizh.
Douaroniezh
Ar Stêr Arc'hant hag ar Stêr Aon a gember e Poullaouen.
Anv
Stummoù bet skrivet
* Bernard Tanguy (1990) : "Ploelouen, c. 1330; Ploelouan, 1349; Ploelouguen, 1368; Ploe Louan, XIVvet.; Ploelouen, 1496, 1535; Poulaven, 1591; Poullaouen, 1677"
* Erwan Valerie (1995) : "Ploelouen, c. 1330; Ploelonguen, 1368; Ploelouan, Plebe Louan, 1330; Ploelouguen, 1368; Ploelouen, 1480; Ploebouen, 1516; Ploelouen, 1536; Ploelauen, 1574; Poulaven, 1591; Pouliouen, 1630; Pleulouan, 1636; Poullouen, 1654"
Gerdarzh
Eus plou pe "ploe" (= parrez) ha Louan, pe Laouen, manac'h iwerzhonat, anavezet e Kembre evel sant Llywan, a zo ivez sant Kerlouan(Daveoù a vank).
Ardamezioù
En erminoù e deir c'hebrenn en gul.
Istor
XVIIvet kantved
- Un digoll a 3 600 lur a voe paeet gant ar barrez d'an aotrou Le Moyne de Trevigny goude tagadenn e gastell e Sant-Hern d'an 11 a viz Gouere 1675 e-kerzh an emsavadeg[2].
- Ac'hubet e voe kastell an Timeur e miz Gouere emichañs hag e penn-kentañ miz Gwengolo ivez[3] ; ennañ e voe lazhet Sebastian ar Balp e-kerzh nozvezh an 2 d’an 3 a viz Gwengolo 1675, noz kent an emsavadeg vras raktreset, gant breur markiz al lec'h, Claude de Percin de Montgaillard; lakaet e voe korf-marv ar Balp war ziskouez dirak kastell an Timeur.
XXvet kantved
Brezel-bed kentañ
- Mervel a reas 151 gwaz eus ar gumun abalamour d'ar brezel[4], da lâret eo 4,15% eus ar boblañs e 1911.
Eil brezel-bed
- Mervel a reas 23 den ag ar gumun abalamour d'ar brezel[5].
- D'ar 5 a viz Genver 1944 e kouezhas ur c'harr-nij B-17F-75-BO (anvet "Slo Time Sally", marilhet 42-30200 ha kodet GL-R, 94vet Bomb Group, 410vet Squadron) eus aerlu ar Stadoù-Unanet e Logodennig e Poullaouen gant dek milour en e vourzh; tapet e voe daou nijour gant an Alamaned, seizh all a zeuas a-benn da achap ha da zistreiñ da Vreizh-Veur, mervel a reas ar milour arall, douaret eo er Brittany American Cemetery e Montjoie-Saint-Martin e departamant Manche e Bro-C'hall[6].
- Dieubet e voe ar gumun gant lu ar Stadoù-Unanet d'ar 5 a viz Eost 1944.
Brezelioù didrevadennañ
Brezel Aljeria
- Mervel a reas pemp milour eus ar gumun[7].
XXIvet kantved
Kresket eo bet ar gumun d'ar 1añ a viz Genver 2019 goude bezañ bodet gant Lokmaria-Berrien[8]
Monumantoù ha traoù heverk
Iliz
-
Iliz katolik Sant Pêr ha Sant Paol
- An iliz katolik.
Emdroadur ar boblañs abaoe 1793
Melestradurezh
Brezhoneg
Ar Brezoneg er Skol
- 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol[9].
Deskadurezh
- E 2010 a oa bet krouet un hentad divyezhek e skol bublik ar gumun.
- E distro-skol 2022 e oa 13 skoliad enskrivet er c'hlasoù divyezhek (16,3 % eus skolidi ar gumun evit a sell ouzh ar c'hentañ derez)[10].
Tud
Tud ganet eno
- 1811 : Prosper Proux, saver kanaouennoù
Tud marvet eno
- 1675 : Sebastian ar Balp, penn-bras Emsavadeg ar Bonedoù ruz, drouklazhet
Ardamezeg ar familhoù
|
|
Gevelliñ
| Bro | Kêr | Abaoe |
|---|---|---|
 Bro-Saoz
|
Brixton | 1990 |
Levrlennadur
Liammoù diavaez
Daveoù ha notennoù
- ↑ Roadennoù ofisiel e lec'hienn an EBSSA
- ↑ (fr)Arthur Le Moyne de La Borderie, La Révolte du Papier Timbré advenue en Bretagne en 1675, adembannet e Les Bonnets Rouges, Union Générale d'Éditions (dastumadeg 10/18), Pariz, 1975 (e galleg), pajennoù 106-109
- ↑ Yvon Garlan ha Claude Nières, Les Révoltes bretonnes de 1675 - papier timbré et bonnets rouges, Éditions Sociales, Pariz, 1975 (e galleg), pajenn 113
- ↑ Monumant ar re varv e bourc'h Karaez
- ↑ (fr)Memorial Genweb
- ↑ (fr)Pertes USAAF Finistère
- ↑ (fr)Memorial Genweb
- ↑ (fr)Recueil des actes administratifs de la préfecture du Finistère, 1añ Kerzu 2018
- ↑ (fr)Marsel Guieysse, La langue bretonne : ce qu'elle fut, ce qu'elle est, ce qui se fait pour elle et contre elle, pajenn 265, Kemper, Nouvelles Éditions Bretonnes, 1936
- ↑ Ofis ar Brezhoneg
- ↑ (fr)Pol Potier de Courcy (1890), Nobiliaire et armorial de Bretagne, p. 83