شەڕی کانای
| شەڕی کانای | |
|---|---|
 | |
| بەشێکە لە | جەنگی دووەمی پونیک |
| وڵات | ڕۆمای کۆن |
| جێ | Cannae، Roman Italy |
| پۆتانی شوێن | ٤١°١٨′٢٣″N ١٦°٧′٥٧″E |
| کاتی ڕوودان | ٢ ئابی ٢١٦ BCE |
| Order of battle | encirclement |
 | |
شەڕی کانای (بە ئینگلیزی: Battle of Cannae) یەکێکە لە شەڕە گەورەکانی جەنگی دووەمی پونیک، کە لە ٢ی ئابی ساڵی ٢١٦ پێش زایین لە نزیک شارۆچکەی کانای لە باشووری ڕۆژھەڵاتی ئیتاڵیا ڕوویدا، کە سوپای کارتاجی بە سەرکردایەتی ھانیباڵ توانی سەرکەوتنێکی یەکلاکەرەوە بەدەستبھێنێت لە ڕێگەی شکاندنی سوپای ڕۆم لەژێر سەرکردایەتی لوسیۆس پاوڵۆس و گایۆس ڤارۆ. ئەو تاکتیکەی ھانیباڵ لە شەڕەکەدا بەکاری ھێنا بە یەکێک لە گەورەترین تاکتیکەکانی مێژووی سەربازی دادەنرێت.
ڕۆمەکان دوای دۆڕانی پێشوویان لە شەڕی ترێبیا لە ساڵی ٢١٨ پێش زایین و شەڕی دەریاچەی تراسیمێن لە ساڵی ٢١٧ پێش زایین، بڕیاریاندا ڕووبەڕووی ھانیباڵ ببنەوە لە کانای، بە نزیکەی ٨٧ ھەزار سەربازی ڕۆمی و ھاوپەیمانەکانیان. ڕۆمەکان بەکارھێنانی ھێزی پیادەیان لە پێکھاتەکەیان زۆر قووڵتر و چڕتر کرد زیاتر لە ئاسایی، لەکاتێکدا ھانیباڵ تاکتیکی مەقاشی بەکارھێنا. بەکارھێنانی ئەم تاکتیکە لەلایەن ھانیباڵەوە ئەوەندە سەرکەوتوو بوو کە سوپای ڕۆمەکانی بە تەواوی لەناوبرد. شاری کاپۆ و زۆرێک لە شارەکانی تری ئیتاڵیا دوای شەڕی کانای ڕووخان.
سەرچاوەکان
بەشداربووانی ویکیپیدیا، «معركة كاناي»، ویکیپیدیای عەرەبی. سەردان لە ٤ی ٩ی ٢٠٢٣.
