Kütleviy haber vastaları

Kütleviy haber vastaları (KHV), kütleviy media (inglizce mass media) - büyük insan taqımlarına bir vaqıtta malümat berilmesine niyetlengen media çeşitidir. Matbuat (gazetalar, mecmualar, kitaplar), radio, telekörüv, internet, kinematograf, ses ve video yazıları, videometin, telemetin, reklama resimleri ve panelleri, multimedia merkezleri kibi media, malümatnıñ berilmesi, saqlanması ve icra etilmesini qaplap ala. Bütün bu vastalarnıñ umumiy has-hususiyeti bar - kütleviy bir auditoriyağa muracaat etüv, bir çoq kişi içün qullanıla bilüv, şirket tarafından mündericesini işlep çıqaruv ve malümatnı tarqatuv. Media ıstılası, misal içün telekörüv kanalları ya da neşriyatlarnı şu tehnologiyalar temin etken teşkilâtlar içün de qullanıla. Kütleviy media - teşviqatnıñ baş aletidir ^[1].