Robert Roberts (Silyn)

R. Silyn Roberts
Ffugenw	Silyn Roberts
Ganwyd	28 Mawrth 1871  Llanllyfni
Bu farw	13 Awst 1930  Bangor
Dinasyddiaeth	Cymru
Alma mater	Prifysgol Bangor
Galwedigaeth	bardd
Perthnasau	Mathonwy Hughes
llofnod

Bardd, sosialydd a diwygiwr cymdeithasol o Gymru oedd Robert "Silyn" Roberts (28 Mawrth 1871 – 15 Awst 1930), a aned ger Llanllyfni yn yr hen Sir Gaernarfon..

Ar ôl cyfnod o weithio fel chwarelwr aeth Silyn i astudio am ei radd yng Coleg Prifysgol Gogledd Cymru, Bangor ac yna i astudio ar gyfer y weinidogaeth yng Ngholeg Diwinyddol Y Bala.

Pan oedd e'n byw yn Llundain yn y 1900au daeth Silyn yn gyfaill i Lenin.^[1]

Treuliodd y cyfnod 1905 - 1912 yn weinidog yn Nhan-y-grisiau, ger Blaenau Ffestiniog.

Credai'n gryf mewn sosialaeth a chefnogai'r Blaid Lafur Annibynnol. Sefydlodd gangen Gogledd Cymru o Gymdeithas Addysg y Gweithwyr yn 1925.

Bu'n weithgar hefyd gyda Cylch Dewi - cymdeithas yn ymgyrchu dros defnydd o'r Gymraeg ym myd addysg a chymdeithas a'r radio.

Gyda'i gyfaill W.J. Gruffydd, cymerodd ran flaenllaw yn y farddoniaeth delynegol newydd ar ddechrau'r 20g. Uchafbwynt eu cydweithrediad oedd cyhoeddi'r gyfrol Telynegion ar y cyd yn 1900. Enillodd Silyn y Goron yn Eisteddfod Genedlaethol Cymru Bangor 1902 gyda phryddest ar y testun Trystan ac Esyllt.

Fel yn achos W.J. Gruffydd, nodweddir barddoniaeth Silyn gan ei delfrydiaeth a'i rhamantiaeth delynegol.

Priododd Mary Parry.^[2]

Mae gan Wicidestun destun sy'n berthnasol i'r erthygl hon: R Silyn Roberts

Mae gan Gomin Wikimedia
gyfryngau sy'n berthnasol i:

Robert Roberts (Silyn)

• (gyda W.J. Gruffydd), Telynegion (1900)
• Trystan ac Esyllt a Chaniadau Eraill (1904)
• Gwyntoedd Croesion (1924). Cyfieithiad.
• Bugail Geifr Lorraine (1925). Cyfieithiad o'r nofel Ffrangeg gan Émile Souvestre.^[3]
• Cofarwydd (1930). Detholiad o'i gerddi a gyhoeddwyd wedi ei farwolaeth.
• Llio Plas y Nos (1945). Nofel a gyhoeddwyd wedi ei farwolaeth.^[4]

Ceir bywgraffiad iddo gan David Thomas (1956).

• Annie Foulkes