Ameriski buk

Ameriski buk

Ameriski buk (Fagus grandifolia)
systematika
Domena	Eukaryoty
Swět	Rostlinstwo
	Rosidy Eurosidy I
pórěd:	(Fagales)
swójźba:	Bukowe rostliny (Fagaceae)
pódswójźba:	Fagoideae
rod:	Buk[1][2] (Fagus)
družyna:	Ameriski buk
wědomnostne mě
Fagus grandifolia
Ehrh.
Kórta
Rozšyrjenje ameriskego buka
Wikipedija:Projekt za botaniku
p • d • w

Ameriski buk w nazymje

Habitus w zymje

Ameriski buk (Fagus grandifolia, syn. F. americana, F. ferruginea) jo bom z roda bukow (Fagus) znutśika swójźby bukowych rostlinow (Fagaceae).

Ameriski buk jo w lěśu zeleny bom, kótaryž dośěgnjo wusokosć wót 20 - 30 m a ma gładku, slobrošeru škóru.

Schódnje zarědowane jadnore listowe łopjena su jajowate abo wušćurnje jajowate ze zubatej kšomu. Jich dłujkosć wucynje 60-120 mm, šyrokosć 25-75 mm, dłujkosć wogonka 4-12 mm. Górny bok jo błyšćece módrozeleny, dolny bok pitśku swětlejšy.

List se wubarwi w nazymje do złotožołtych až kóžobrunych nuansow a se pótom wótchytujo.

Ameriski buk jo jadnodomny kuždy za se rodny (monözisch), toś twóri žeńske ale teke muske kwiśonki na tej samskej rostlinje. Toś te se w rozdźělnych, skerje njenadpadnych kwiśonkowych stołkach z łopjenami na młodych wurostach jawje, muske kwiśonki w gustych, wisecych promjenjach, žeńske kwiśonki zrownane w 4-zapadakowej wobalce, kótaraž se z wodrjewjenym płodowym gjarnyškom (Cupula) nastanjo.

Cas kwiśenja jo wót apryla až do junija.

Woprošenje se powšyknje pśez wětš pśewjaźo (anemofilija).

Ako płody se něźi 2 cm dłujke wórjechy twórje, bukowicki. Toś te zdrjaju w septembrje až oktobrje. Sejźe zwětšego pó dwěma w płodowym gjarnyšku gromaźe, pśez což typiske tśigranjata forma nastanjo.

Wórjechy se wót zwěrjetow rozšyrjaju (coochorija).

Rosćo we pódzajtšnej pódpołnocnej Americe wót Kanady na pódpołnocy až ke górskim rowninam Mexika na pódpołdnju, w gustych lěsach abo ako měšany lěs wót płonego kraja až na něźi 1000 m wusoku.

Zwenka jogo domacnych stronow rozšyrjenja se ameriske buki jano rědko kultiwěruju.

Ako parkowy bom se ameriski buk skerjej rědko wusajźujo. Pśi góźbje se ako bonsaj sajźijo.

Ćežke, twarde drjewo se w parketowem a meblowem twarjenju, za kontainery, drjewowe přimadła a wšelake pśedmjaty k wužywanju wužywa.

• 
  Łopjeno a wócynjona płodowa kapsla z bukowickami
• 
  Škóra
• 
  Bonsai, 28 lět stary

1. ↑ Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 84
2. ↑ W internetowem słowniku: Buche

• Botanica - Das Abc der Pflanzen. 10000 Arten in Text und Bild; Tandem Verlag (2003) 3-8331-1600-5|ISBN 3-8331-1600-5
• Roloff/Bärtels: Flora der Gehölze. Bestimmung, Eigenschaften, Verwendung. 3. Auflage; Ulmer Verlag, Stuttgart (2008) ISBN 978-3-8001-5614-6

• Ameriski buk pśi Baumkunde.de (nim.)
• Ameriski buk pśi Flora Of North America (eng.)
• Erhardt, Götz, Bödeker, Seybold: Zander - Handwörterbuch der Pflanzennamen. 17. Auflage; Ulmer Verlag, Stuttgart (2002) ISBN 3-8001-3573-6

Glědaj pśidatne dataje we Wikimedia Commons:
Ameriski buk

• Rozšěrjenska mapa družiny při Flora Of North America (eng.)
• Ameriski buk při GRIN (eng.)