Romina Power

 Miranduléś

C'l artìcul chè 'l è scrit in Miranduléś Emiliàn


«
Questa è la storia di un bambino che aveva l'allergia del lavandino, aveva un proprio un bel musino ma sembrava un po' sporchino, lo chiamavano Paolino Maialino. Che schifo che era il letto di Paolino Maialino, di notte ci dormiva un topolino e non vi posso dire quanto scomodo ci stava fintanto che il lenzuolo non cambiava. Un giorno quello sporco di Paolino Maialino nel parco si faceva un pisolino.»
(IT)(Paolino maialino, 1975)
«
Qvésta chè l'è la stòria 'd un putèṅ ch'al gh'iva l'alergìa dal lavandèṅ, al gh'iva pròpria 'n bèl grugnèṅ ma 'l parìva na cria muśnènt, i al ciamàvan Pavlèṅ Ninèṅ. Che schiva ch'l éra 'l lèt 'd Pavlèṅ Ninèṅ, ad nòt a gh durmìva 'n surghèṅ e a n v pòs minga cuntàr quànt dascòm'd al gh astàva in fiṅ tant ch'al linsōl al n cambiàva mia. Un dè cal malnét 'd Pavlèṅ Ninèṅ in dal parc al s faśìva 'n piśulèṅ.»
(MUD)
La Romina Power tòlta śò in dal 1969


La Romina Francesca Power, cgnusùda méj cuma Romina Power (Los Angeles, 2 'd Utóbar dal 1951), l'è n'atōra, cantànta e persunàǵ televiśìṿ americàṅ c'n anc la sitadinànsa itagliàna.

Biugrafìa

Fiōla 'd dū stéli 'd Hollywood cuma Tyrone Power e la Linda Christian, dòp la mòrt ad sò pàd'r la và a star insém a sò surèla più pìcula, la Taryn, da sò nunóna in Mèsic pò a nóṿ an la tîṅ adrē a sò màdar ch'l iva decìś ad vgnir a star in Itàglia. A la mità di an Ssanta la spatìna incóra, in inghiltèra.

A tréd'ś an la taca a giràr di film, anc spurcaciòṅ cuma Justine, ovvero le disavventure della virtù 'd Jesús Franco, e in dal 1967 a Róma la cgnós Albano Carrisi su 'l set dal film Nel sole ch'la spuśarà pò tri an dòp dand vita a 'n duo muśicàł dimóndi famóś anc a 'l èstar. Sèg la vinsrà al Fèstival ad Sanremo dal 1984 c'n al braṅ Ci sarà, finénd in di prim tri pòst anc in atri tri edisiòṅ c'n al canti Felicità, Nostalgia canaglia e Cara terra mia.

La Romina l'à anc purtâ avànti na caréra da par lē faghénd vgnir fóra di sìngui cuma Acqua di mare, Il ballo del qua qua e Paolino maialino, na spoken song scrita par lē da Paolo Limiti[1].

Filmugrafìa

  • 1965 - Ménage all'italiana, regìa ad Franco Indovina
  • 1966 - Come imparai ad amare le donne, regìa ad Luciano Salce
  • 1967 - Assicurasi vergine, regìa ad Giorgio Bianchi
  • 1967 - Nel sole, regìa 'd Aldo Grimaldi
  • 1968 - Vingt-quatre heures de la vie d'une femme, regìa ad Dominique Delouche
  • 1968 - L'oro del mondo, regìa 'd Aldo Grimaldi
  • 1969 - Il suo nome è Donna Rosa, regìa 'd Ettore Maria Fizzarotti
  • 1969 - Pensando a te, regìa 'd Aldo Grimaldi
  • 1969 - Justine, ovvero le disavventure della virtù, regìa ad Jesús Franco
  • 1969 - Femmine insaziabili, regìa 'd Alberto De Martino
  • 1969 - I caldi amori di una minorenne, regìa ad Julio Buchs
  • 1970 - Mezzanotte d'amore, regìa 'd Ettore Maria Fizzarotti
  • 1970 - Angeli senza paradiso, regìa 'd Ettore Maria Fizzarotti
  • 1984 - Champagne in paradiso, regìa 'd Aldo Grimaldi
  • 2008 - Go Go Tales, regìa 'd Abel Ferrara
  • 2014 - Il segreto di Italia, regìa 'd Antonello Belluco

Culegamènt estéran

Nòti

  1. ↑ Romina Power - Paolino Maialino (1975 - 7") Scarésa a 33 gir, 20 'd Avrìl dal 2006