Sean Young

La Mary Sean Young, cgnusùda méj cuma Sean Young (Louisville, 20 ad Nuvémbar dal 1959), l'è n'atōra americàna. L'è stada spuśàda dód'ś an cun Robert Lujan. Insém i gh'aṅ dū fiōi, Rio Kelly e Quinn Lee.

In dal 2011 l'à tòlt part a 'l reality show Celebrity Rehab with Dr. Drew ch'al fava védar di vip imbariagòs ch'i s curàvan par far-as pasàr al visi 'd alvàr al gòmat. Chi lē l'iva bèla fat védar 'd avér ad chi prubléma lè quànd in dal Śnar dal 2008 l'éra andàda in un sèntar specialiśâ ad Pasadena (Califòrgna) p'r armét'r-as bèṅ dòp ch'al dè prima 'l iva mulestâ al regìsta Julian Schnabel durànt al premiasiòn di “Directors Guild of America awards”. In dal 2012 la pulisìa ad Los Angeles la l'à farmàda parchè l'iva pruâ a insfilsàr-as fra i partesipànt dla serimògna di Prèmi Òscar sénsa èsar stada invidàda.

La Sean Young la taca a lauràr in dal mónd dal cìnema a 'l inìsi di an Utànta cun dū part pìculi in di film Jane Austen a Manhattan ad James Ivory e Stripes - Un plotone di svitati 'd Ivan Reitman. In dal 1982 la gira òṅ di film più imputànt dla sò caréra, Blade Runner ad Ridley Scott. In dal 1984 la lavóra cun David Lynch in dal dasfurtunâ Dune mént'r in dal 1987 l'è la femme fatale dla pelìcula Senza via di scampo ch'la fà litgàr Gene Hackman e Kevin Costner. In Wall Street la s véd scurtàr la sò part par di prubléma ch'la gh'iva c'n al regìsta Oliver Stone. Dòp al film Cocaina dal 1988 'l àtar prutagunìsta, James Woods, al gh fà càuśa par mulèsti. I dū i s met'ràṅ 'd acòrd sōl 'l an dòp.

In dal 1989 la vèṅ tòlta par giràr Batman ma a 'l ùltim la s fà mâł a 'n bras cascànd śò da cavàl e la gh'à da dar-ag sù. Al sò pòst 'l è tòlt par la Kim Basinger. L'atōra dal Kentucky la gh próa incóra in dal 1992 quànd la vōl a tut i cóst ciapàr lē la part dla Catwoman p'r al film Batman - Il ritorno, la riva a paràr-as davànti a Tim Burton c'n al sò custùm adòs, ma chi lò al sarnìs pò la Michelle Pfeiffer. In c'l an lè la gira dū thriller, Un bacio prima di morire, vinsénd un Razzie Awards par l'atōra lòfi d'l an, e Sola con l'assassino pò in dal 1993 l'è impgnàda in sal sét dal film Cowgirl - Il nuovo sesso ad Gus Van Sant. Dòp soquànti cumèdi (Ace Ventura - L'acchiappanimali, Dr. Jekyll & Miss Hyde e A proposito di uomini) la sò caréra la patìs dimóndi a 'l inìsi di an Dumìla. La Young la fà dimóndi film par la televiśiòṅ, film pìcui (cuma i thriller The house next door e L'assassino è tra di noi) e telefilm (Squadra emergenza, CSI - Scena del crimine, E.R. - Medici in prima linea e Febbre d'amore).

• 1980 - Jane Austen a Manhattan
• 1981 - Stripes - Un plotone di svitati
• 1982 - Blade Runner
• 1982 - L'ospedale più pazzo del mondo
• 1984 - Dune
• 1985 - Baby - Il segreto della leggenda perduta
• 1987 - Senza via di scampo
• 1987 - Wall Street
• 1988 - Cocaina
• 1989 - Cugini
• 1990 - Apache - Pioggia di fuoco
• 1991 - Un bacio prima di morire
• 1992 - Sola con l'assassino
• 1992 - 7 criminali e un bassotto
• 1992 - Hold Me, Thrill Me, Kiss Me
• 1992 - Falso identikit Film TV
• 1992 - Ghiaccio blu
• 1993 - Cowgirl - Il nuovo sesso
• 1993 - Fatal Instinct - Prossima apertura
• 1993 - Forever
• 1994 - Ace Ventura - L'acchiappanimali
• 1995 - Mirage
• 1995 - Il Dr. Jekyll e Miss Hyde
• 1996 - Evil Has a Face Film TV
• 1996 - Ritratto nella memoria
• 1996 - Una vita per ricominciare Film TV
• 1997 - Gekijôban Furandaasu no inu
• 1997 - Uno sporco ricatto
• 1997 - The Invader
• 1997 - A proposito di uomini
• 1997 - Ombre dal passato
• 1997 - Uno sporco ricatto
• 1998 - La diva e il cowboy Film TV
• 1998 - Out of Control
• 1999 - Special Delivery
• 2000 - Secret Cutting Film TV
• 2000 - The Amati Girls
• 2001 - Le insolite sospette - Sugar & Spice
• 2001 - Mockingbird Don't Sing
• 2001 - Night class
• 2002 - Aftermath
• 2002 - The house next door
• 2002 - Threat of Exposure
• 2003 - Prima di dirti addio Film TV
• 2003 - Caccia al killer Film TV
• 2003 - Alla scoperta di mio padre Film TV
• 2003 - Segreti e diamanti Film TV
• 2004 - Until the Night
• 2004 - L'assassino è tra di noi
• 2004 - In the Shadow of the Cobra
• 2005 - Ghosts Never Sleep
• 2005 - Third Man Out Film TV
• 2005 - Headspace
• 2005 - Mamma all'improvviso Film TV
• 2006 - The Garden
• 2006 - Living the Dream
• 2006 - A Job to Kill For Film TV
• 2006 - The Drop
• 2007 - Sea Change - Delitto perfetto Film TV
• 2008 - The Man Who Came Back
• 2008 - Parasomnia
• 2010 - The Republic Film TV
• 2012 - Attack of the 50ft Cheerleader
• 2012 - The Black Dove
• 2013 - Jug Face
• 2013 - Send No Flowers
• 2013 - Gingerclown
• 2013 - Complicity
• 2013 - Random Encounters
• 2014 - My Trip Back to the Dark Side
• 2014 - Charlie Mantle
• 2014 - My Man Is a Loser
• 2014 - M.A.R.R.A

• (EN) Filmugrafìa in s'l IMDb