FAME-fondaĵo

FAME-fondaĵo
Esperanto-fondaĵo • neprofitcela organizaĵo
Nomita laŭ	Alois Meiners
Sidejo	Aalen
Lando	Germanio
Fondita en	1988
En TTT	Oficiala retejo vd
v • d • r

FAME-fondaĵo (oficiale: FAME-Stiftung zur Förderung internationaler Verständigungsmittel kaj Esperante FAME-fondaĵo por stimulado de internaciaj kompreniloj) estas fondaĵo starigita de Alois Meiners en 1988 por subteni interkompreniĝon inter la popoloj, evoluhelpon, sciencon kaj esploradon, junularon kaj kulturon per disdono de subvencioj. Kun la urbo Aalen ĝi fondis kulturpremion por distingi personojn aŭ organizojn, kies plurjara engaĝo antaŭenigis internacian kompreniĝon. La nomo FAME venas de la nomo de la fondinto Franz-Alois Meiners.

La festo de la Kulturpremio okazas ĉiun duan jaron en Aalen kiel Aalener Esperanto-Kulturpreis. Tiu Alena Esperanto-Kulturpremio estas organizita de FAME, de Esperanto-Grupo Alena kaj subtenata de la urba administracio. La festeno okazas en la urbodomo de Aalen. La premio estas normale dotita kun € 3.000,- (komence estis 10.000 gm kaj poste 5000,- €).

• 2024 - Chiara Raggi
• 2022 - Ĵomart kaj Nataŝa
• 2018 - Ilona Koutny
• 2016 - Katalin Kováts
• 2014 - Utho Maier kaj Karl Heinz Schaeffer^[1]
• 2012 - Floréal Martorell ^[2]
• 2010 - Halina Gorecka kaj Aleksander Korĵenkov
• 2008 - Internacia Esperanto-Instituto
• 2006 - Interkultura Centro Herzberg
• 2004 - Kajto (muzikgrupo)
• 2002 - ADORU (Adolf Burkhardt, Bernhard Eichkorn kaj Albrecht Kronenberger)
• 2000 - William Auld
• 1998 - Marjorie Boulton
• 1996 - Gersi Alfredo Bays pro lia eldonejo Fonto
• 1994 - Heroldo de Esperanto kaj Spomenka Štimec (2 premiitoj)
• 1993 - Richard Schulz kaj Bruno Vogelmann (2 premiitoj)
• 1991 - Ito Kanzi (dua distribuo dum UK en Bergeno, al Ludovikito, samjare)
• 1991 - Claude Gacond por CDELI kaj Kultura Centro Esperantista (unua distribuo en Aalen)

• Fondaĵo

• Hejmpaĝo de FAME
• "La ĉefa kulturpremio en Esperantujo". Ĉe: Libera Folio, 22.11.2022