Francaj senatanaj balotoj de 2014

2011 2017
Francaj senatanaj balotoj de 2014
178 el la 348 seĝoj de la Senato
28 sep. 2014
			Jean-Claude Gaudin - UMP
									143		13
			Didier Guillaume - PS
									112		16
			François Zocchetto - UDI
									43		12
			Éliane Assassi - PCF
									18		3
			Jacques Mézard - RDSE
									13		6
			Jean-Vincent Placé - EELV
									10		0
Konsisto de la Senato
 CRC : 18  Ekologiistoj : 10  PS : 112  Ne-aliĝintoj : 9  RDSE : 13  UDI-UC : 43  UMP : 143
Prezidanto de la Senato
Antaŭa						Nova
Jean-Pierre Bel						Gérard Larcher
v • d • r

Senatanaj balotoj okazis en Francio la 28-an de septembro 2014 por renovigi duonon de la membroj de la supra ĉambro de la franca Parlamento.

La senatanoj estas elektitaj per nerekta baloto de la grandaj balotantoj, kies granda plimulto estas delegitoj de la komunumoj. Tiel, sekve de la venko de la dekstro per la municipaj balotoj de marto 2014, la senatanaj balotoj ebligis al la dekstro refariĝi plimulta en la Senato, tri jarojn post laso de plimulto al la maldekstro.

Vidu ankaŭ: Francaj senatanaj balotoj

Tiuj balotoj ebligis elekton de la 178 senatanoj de la nova serio 2 (fino de 10-jaraj mandatoj de iuj senatanoj de la antaŭa serio C elektitaj en 2004 kaj de la 6-jaraj mandatoj de la senatanoj de la antaŭa serio A elektitaj en 2008).

La serio 2 enhavas^[1] :

• la senatanojn de la departementoj kies numero estas inter 01 (Ain) kaj 36 (Indre) ;
• la senatanojn de la departementoj kies numero estas inter 67 (Bas-Rhin) kaj 90 (Territoire-de-Belfort), escepte de tiuj situantaj en Francilio ;
• la senatanojn de iuj transmaraj teritorioj : Franca Gujano, Franca Polinezio, Valiso kaj Futuno, Saint-Barthélemy kaj Saint-Martin ;
• la duonon de la dek du senatanoj reprezentantaj eksterlandajn francojn.

La saman tagon, okazis ankaŭ parta senatana baloto en Mayenne por anstataŭi Jean Arthuis, demisiinta. Tiu baloto ne estas inkluzivita sur tiu paĝo, kiu celas nur la renovigon de la seĝoj de la serio 2.

La mandato de senatanoj estas fiksita je ses jaroj. La elekto okazas per plimulta balotsistemo kun du balotvicoj por la distriktoj elektantaj 1 aŭ 2 senatanojn kaj per proporcia balotsistemo kun unu balotvico por la distriktoj elektantaj almenaŭ tri senatanojn.

Por la 1-a fojo la serio 2 estis tute renovigita. La departementoj kaj kolektivumoj de tiu serio 2 apartenis ĝis tiam al la serio A renovigita en 2008 kaj al la serio C renovigita lastfoje en 2004. La reformo de la Senato de 2003 finiĝis en 2014 kun la Senato kies ĉiuj membroj estas elektitaj por ses ans kaj ne plu por naŭ jaroj kaj kun renovigo de duono kaj ne plu de triono.

El la 178 renovigitaj seĝoj, 119 estis elektitaj per proporcia balotsistemo (en 30 distriktoj, inkluzive por eksterlandaj francoj) kaj 59 per plimulta balotsistemo (en 34 distriktoj, departementoj aŭ kolektivumoj).

El la 178 renovigitaj senatanoj, estis 96 dekstraj senatanoj kaj 82 maldekstraj senatanoj. La dekstro devis konkeri 7 seĝojn el la maldekstro por baskuli la plimulton en la Supra Asembleo. Fronte al forta malpopulareco, la prezidenta plimulto timis perdi la Senaton.

La 5-an de marto 2014, Jean-Pierre Bel anoncis en letero al la gazeto Le Monde^[2] sian decidon rekandidatiĝi nek por la posteno de Prezidanto de la Senato, kiun li okupis de 2011, nek por sia seĝo de senatano de Ariège. François Rebsamen estis antaŭvidita por anstataŭi lin kiel gvidanto de la socialista frakcio, sed li fariĝis la 2-an de aprilo ministro de la 1-a registaro de Manuel Valls. La nomo de François Patriat estis ankaŭ citita, same kiel tiu de Jean-Michel Baylet, prezidanto de la Maldekstra Radikala Partio kaj membro de la frakcio RDSE. Por UMP, Gérard Larcher, Jean-Pierre Raffarin kaj Philippe Marini kampanjis por la prezideco de la Senato^{[3],[4],[5],[6]}.

Por la 178 seĝoj de senatanoj estis 1 733 kandidatoj, kio estis rekordo. La balotoj de 2011 allogis 1 374 kandidatojn, tio estas do proksimume 25 %-a progreso. Le principo de pareco devigas alternon inter viroj kaj virinoj, sur la listoj de la distriktoj kun proporcia balotsistemo, kaj malsamseksan paron titolulo/anstataŭanto, por la plimultaj balotoj ; tamen, nur 21,5 % de la titolaj kandidatoj kaj 21,4 % de la listkapoj estis virinoj^[7].

118 elirantaj senatanoj estis denove kandidatoj^[8] kaj 57 ne rekandidatiĝis^[9]. Neniu membro de la registaro kandidatiĝis por seĝo en la Senato sed tri deputitoj estis kandidatoj : François Baroin, Alain Marc kaj Georges Ginesta. Inter la kandidatoj estis ankaŭ unu prezidanto de Regiona Konsilio, François Patriat, kaj 28 prezidantoj de Departementa Konsilio.

La balotantaro, ankaŭ nomita balotantaro de la grandaj balotantoj, konsistas tre plimulte el delegitoj de la municipaj konsilioj elektitaj per baloto organizita laŭ ministeria cirkulero de la 20-a de junio 2014. En la komunumoj kun malpli ol 1 000 loĝantoj, ili estas elektitaj per plimulta balotsistemo de kaj inter la municipaj konsilianoj ; por la komunumoj kun inter 1 000 kaj 9 000 loĝantoj, ili estas elektitaj per proporcia balotsistemo. Super 9 000 loĝantoj, ĉiuj municipaj konsilianoj estas aŭtomate grandaj balotantoj sed pliaj delegitoj estas elektitaj laŭ proporcia balotsistemo por la urboj kun pli ol 30 000 loĝantoj. En la transmaraj kolektivumoj, la teritoriaj konsilianoj apartenas al la balotantaro.

Ĝi enhavas ankaŭ la departementajn konsilianojn kaj la regionajn konsilianojn elektitajn en la koncernata departemento aŭ teritorio, same kiel la deputitojn (de la Nacia Asembleo sed ne de la Eŭropa Parlamento^[10]).

La reformo de la 2-a de aŭgusto 2013 enkondukis plurajn modifojn de la balotsistemo ekvalidaj en 2014 por la 1-a fojo^[11].

En la urboj kun pli ol 30 000 loĝantoj, la municipaj konsilioj de nun elektas po plian delegiton por tranĉo de 800 loĝantoj super 30 000, kontraux unu por 1 000 antaŭe. Tiu modifo plifortigas la pezon de la grandaj urboj.

Per apliko de la reguloj por la francaj senatanaj balotoj, la balotantaro por elekti la senatanoj en 2014 konsistas el^[12] :

La elekto de la prezidanto de la Senato okazis la 1-an de oktobro 2014. La elekto de la kandidato de UMP okazigis internan baloton la antaŭan tagon, venkitan de Gérard Larcher, prezidanto de la Senato de 2008 ĝis 2011, fronte al Jean-Pierre Raffarin, eksa ĉefministro^[14]. La aliaj partioj estis reprezentitaj de siaj frakciestroj.

• Listo de la francaj senatanoj (periodo 2014-2017)
• Francaj senatanaj balotoj de 2011

• Senatanaj balotoj 2014 en la interretejo de Senato
• Senatanaj balotoj 2014 en la interretejo de la ministerio pri enlandaj aferoj : La kandidatoj kaj la rezultoj
• Senatanaj balotoj 2014 en la interretejo de la Konstitucia Konsilio - protokolo de la kontencio

Ŝablono:Ligiltabelo Francaj senatanaj balotoj de 2014

	Portalo pri jardeko de 2010
	Portalo pri Kvina Respubliko de Francio