La Haba
| La Haba | |||
|---|---|---|---|
 | |||
municipo en Hispanio  vd
| |||
|
| |||
| Blazono | |||
| Administrado | |||
| Ŝtato |  Hispanio
| ||
| Regiono |  Ekstremaduro
| ||
| Provinco |  provinco Badaĥozo
| ||
| Komarko | Vegas Altas | ||
| Poŝtkodo | 06714 | ||
| En TTT | Oficiala retejo [+] | ||
| Politiko | |||
| Urbestro | Juan Pedro Rodríguez González | ||
| Demografio | |||
| Loĝantaro | 1 214 (2024) [+] | ||
| Loĝdenso | 14 loĝ./km² | ||
| Geografio | |||
| Geografia situo | 38° 55′ N, 5° 48′ U (mapo)38.91946-5.801854Koordinatoj: 38° 55′ N, 5° 48′ U (mapo) [+] | ||
| Alto | 305 m [+] | ||
| Areo | 86,6 km² (8 660 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo La Haba [+]
| |||
La Haba estas municipo de Hispanio, en la provinco Badaĥozo (Badajoz) kaj la regiono Ekstremaduro. Laŭ la stato de 2024 en la municipo vivis 1 214 loĝantoj sur areo de 86,6 kvadrataj kilometroj, kio rezultigas loĝdenson de 14 loĝantoj/km². La loĝantoj nomiĝas jabeños.
Situo
La Haba estas situa en la centra parto de Ekstremaduro, je altitudo de 305 m; je 120 km de Badajoz, provinca ĉefurbo kaj tre proksime de Don Benito kaj de Villanueva de la Serena gravaj urboj de la respektivaj komarkoj nome Vegas Altas kaj La Serena kaj oni povas diri, ke inter ambaŭ estas La Haba, plie en La Serena. La surfaco de ties teritorio estas de 86,6 km².
Historio
La zono estis jam loĝata antaŭ la romia epoko, kiel sugestas ŝtono de romia altaro uzata kiel baptujo en ermitejo Antigua, romiepoka ponto super la rivero Ortigas kaj ĉefe multnombraj tomboj elfositaj en roko en la ĉirkaŭaĵoj de tiu ermitejo.
Dokumente oni scias, ke tiu teritorio estis konkerita al la islamanoj tempe de Fernando la 3-a kaj pasis al la Ordeno de Alcántara, kiel la tuta komarko de La Serena, kie elstaris la superulejo de Magacela kaj la praktika pli atingebla sidejo de Villanueva de la Serena, kies domaro estis La Haba, ĝis 1554, kiam la reĝo Karlo la 1-a de Hispanio sendependigis ĝin per la titolo de villa kontraŭ la pago de 1.346.500 maravedioj.
Monumentoj
La vilaĝo prezentas unuetaĝajn blankajn domojn tipajn en la regiono kaj en Andaluzio kun stalo por ĉevalaro kaj subtegmenton por agrikulturaĵoj. La plej propra elemento estas ornamaĵo kaj plifortaĵoj el granito, kies laborado estis tradicia en la vilaĝo kaj ebla kialo por la etimologio de la nomo.
Multaj granitaj blazonoj estas restaĵoj de la nobelularo de la 17a kaj 18-a jarcentoj. Multaj montras simbolojn de la Ordeno de Alcántara kaj apartenis al la Grafoj de Montalbán kaj al tiu de Campos de Orellana, inter aliaj.
- Preĝejo de Sankta Johano Baptisto
- Ermitejo de Nuestra Señora De La Antigua je 9 km de la vilaĝo en tre natura medio de la 15a jarcento, sed sur loko jam loĝata de antaŭromia epoko. La sonorilturo estas aparta kaj ligata al la ĉefe konstruaĵo per arkaro. Estas romia ŝtono konvertita en baptujo kaj proksimaj homoformaj tomboj, krom aliaj restaĵoj de antaŭromia setlado. Proksime estas ponto de romia deveno kaj mezepoka rekonstruo.
Bildoj
-
Tipa angulo de La Haba. -
Suda flanko de la preĝejo. -
Cikoninestoj sur la preĝejtegmento. -
La Haba, sude.
Eksteraj ligiloj
- Oficiala retejo de La Haba
- Andando por España
- Libro pri ermitejo de Nuestra Señora de La Antigua
- Minejoj de La Haba Arkivigite je 2008-03-05 per la retarkivo Wayback Machine
- Diputacio de Badajoz
- Vilaĝoj de Hispanio Arkivigite je 2008-05-13 per la retarkivo Wayback Machine