Nawaf Salam
| Nawaf Salam | |||||
|---|---|---|---|---|---|
| |||||
| Persona informo | |||||
| Naskiĝo | 15-an de decembro 1953 (71-jaraĝa) en Bejruto | ||||
| Religio | sunaismo vd | ||||
| Lingvoj | araba • franca • angla vd | ||||
| Ŝtataneco | Libano  vd
| ||||
| Alma mater | jura altlernejo Harvard Universitato de Parizo-Sorbono Instituto pri Politikaj Studoj de Parizo International College, Beirut (en)  vd
| ||||
| Familio | |||||
| Edz(in)o | Sahar Baassiri (en) vd
| ||||
| Profesio | |||||
| Okupo | diplomato politikisto juĝisto vd
| ||||
| Doktoreca konsilisto | René Rémond vd | ||||
| |||||
| vd | Fonto: Vikidatumoj | ||||
Nawaf SALAM (arabe نواف سلام; naskita la 15-an de decembro 1953 en Bejruto) estas libana advokato, diplomato kaj politikisto. Inter 2007 kaj 2017, li reprezentis sian hejmlandon kiel Konstanta Reprezentanto al la Unuiĝintaj Nacioj en Novjorko. Li estis juĝisto ĉe la Internacia Kortumo ekde 2018 [1][2]. En 2024 li estis elektita Prezidanto de la Internacia Kortumo, la dua arabo elektita prezidanto kaj la unua libana juĝisto [3].
En januaro 2025, li estis elektita kiel Ĉefministro de Libano fare de la Libana Parlamento, ĵus post la elekto de la generalo Joseph Aoun al la Presidenteco [4].
Antaŭe li funkciis kiel la ambasadoro de Libano ĉe la UN en Novjorko de 2007 ĝis 2017, periodo en kiu li ankaŭ funkciis kiel Prezidanto de la Sekureckonsilio kaj kiel Vicprezidanto de la Ĝenerala Asembleo.
Kariero
Nawaf Salam estis naskita en Bejruto en 1953 kaj ricevis diplomon de la École des hautes études en sciences sociales en 1974 kaj doktorecon en historio de la Universitato de Parizo-Sorbono kvin jarojn poste. Li ankaŭ akiris juran diplomon de la Universitato de Libano en 1984 kaj magistron pri juro de Universitato Harvard en 1991 kaj doktorecon en politika scienco de la Instituto pri Politikaj Studoj de Parizo jaron poste.
Inter 1984 kaj 2007 li praktikis juron en sia hejmurbo, interrompita de trijara jura praktiko de 1989 ĝis 1992 en Bostono. La fokuso de lia laboro estis privata internacia juro kaj internaciaj transakcioj. Krome, de 1985 ĝis 2007 li estis preleganto aŭ profesoro ĉe la Usona Universitato de Bejruto, kie li instruis kursojn en la areoj de internacia juro, internaciaj rilatoj kaj diplomatio, inter aliaj aferoj.
De 2007 ĝis 2017, li funkciis kiel ambasadoro kaj konstanta reprezentanto de sia hejmlando ĉe la Unuiĝintaj Nacioj en Novjorko, inkluzive en 2010/2011 kiel reprezentanto en la Sekureca Konsilio de UN dum la dujara membreco de Libano kiel nekonstanta membro. De septembro 2012 ĝis septembro 2013, li funkciis kiel Vicprezidanto de la 67-a sesio de la Ĝenerala Asembleo de UN. Krome, li gvidis la libanajn delegaciojn al diversaj internaciaj renkontiĝoj, inkluzive de la Konferenco pri Klimata Ŝanĝo de UN en Kopenhago en 2009 kaj la Konferenco pri Klimata Ŝanĝo de UN en Parizo en 2015.
La 9-an de novembro 2017, li estis elektita juĝisto ĉe la Internacia Kortumo en Hago. Lia rotacia naŭjara mandato komenciĝis per lia ĵuro la 6-an de februaro 2018. Ĉi tio igas lin la dua libana juĝisto en la historio de la Kortumo post Fouad Ammoun. La 6-an de februaro 2024, li estis elektita Prezidanto de la Internacia Kortumo kaj la 13-an de januaro 2025, li estis nomumita Ĉefministro-nomumito de Libano.
Referencoj
- ↑ Press Release, Unofficial – United Nations General Assembly and Security Council elect four Members of the Court (10 November 2017). Arkivita el la originalo je 24 June 2018.
- ↑ Four judges elected to International Court of Justice. UN News (9 November 2017). Alirita 26 November 2019 .
- ↑ . Lebanese judge Nawaf Salam elected President of International Court of Justice (angle) (6 February 2024). Alirita 6 February 2024 .
- ↑ Lebanon's Salam wins backing of enough MPs to be named PM, political sources say (2025-01-13).
- ↑ Accueil. Arkivita el la originalo je 4 September 2009.
- ↑ Harvard Law School. Arkivita el la originalo je 17 July 2014.
- ↑ Official website of Paris Sorbonne University - Paris IV. Arkivita el la originalo je 17 February 2011.