Placo Kálvin
| Placo Kálvin | ||
|---|---|---|
 | ||
| placo [+] | ||
| Lando | Hungario | |
| Situo | Budapeŝto | |
| - koordinatoj | 47° 29′ 23″ N, 19° 3′ 43″ O (mapo)47.4896944419.06181944Koordinatoj: 47° 29′ 23″ N, 19° 3′ 43″ O (mapo) | |
|
||
|
||
 |
||
| Placo Kálvin | ||
 Vikimedia Komunejo: Kálvin tér (Budapest) [+] |
||
La Placo Kálvin estas grava placo en Budapeŝto, troviĝanta laŭ la malgranda bulvardo. Iam tie situis defenda muro (konstruita en la 13-a jarcento) de Pest kun pordego nomata Kecskeméti (keĉkemEti), ĉar la vojo el la pordego daŭriĝis al urbo Kecskemét. En la 18-a jarcento la placo havis germanajn nomojn Ketschkemeterplatz kaj Heu- und Borstenviehhändler Platz, ĉar ekster la muroj oni aranĝis bazaradojn.
Historio
La vera placo formiĝis en la 19-a jarcento, kie ne nur la vendistoj, sed ankaŭ la kalvinanoj trovis liberajn lokojn. Ili konstruis ne nur preĝejon, sed ankaŭ lernejon kaj oficejon, kie nun estas jam universitato. Poste ankaŭ aliaj imponaj oficejoj konstruiĝis. Ankaŭ skandalo ligiĝas al la placo. Maljunulo nomata "paĉjo Roberto" en la placo disdonis senpagajn tagmanĝojn por la malriĉuloj. Baldaŭe evidentiĝis, ke el la kolektita mono li ne nur tagmanĝojn, sed ankaŭ palacon en Vieno li aĉetis. Ankaŭ nun hungaroj mencias: kuirejo de paĉjo Roberto.
Dum sieĝo de Budapeŝto parto de la domoj difektiĝis. Dum la socialismo ili ne rekonstruiĝis, restis nur la fajromuroj (muro sen fenestro). Sur unun el la muroj oni metis ruĝan stelon, kiun en 1956 oni neniigis. Dum jardeko silueto de la malplena loko estis videbla. Post la socialismo novaj hotelo kaj aliaj konstruaĵoj faris senmanka la placon.
Pli gravaj konstruaĵoj
- Kalvinana preĝejo (Ferencváros)
- magazeno aŭ grandvendejo apud la preĝejo, kiun la kalvinanoj nuntempe rericevis
- sub la placo metroo trafikas, sed la pli nova tunelo en 2011 jam estis preta
Trafiko
En la placo tramoj (la plej frue ĉevaltira tramo), troleoj, aŭtobusoj kaj la supre menciita metroo trafikas.
Fonto
- Hungara Vikipedio