La provinco Luanda estas unu el 18 administraj unuoj, kiuj dividas la ŝtaton Angolo en sudokcidenta Afriko. Ĝi kovras areon de 2257 kvadrataj kilometroj kaj laŭ la stato de 2006 havis 1 823 282 loĝantojn. Administra centro de la provinco estas la urbo Luando, la nacia ĉefurbo de Angolo. Laŭ areo temas pri la plej malgranda provinco de Angolo: ĝi situas en la okcidento de la lando, borde de la Atlantika Oceano.
Pli grandaj urboj en la provinco estas interalie Cacuaco, Viana, Cazenga, Ingombota, Kilamba Kiaxe, Maianga, Rangel, Samba kaj Sambizanga. Ĉefa etno en la provinco estas la ambundoj.
Ekde administra reorganizado de 2014 la malnova provinco Luanda aldone ricevis grandan antaŭan sudan parton de la provinco Bengo, sude de la rivero Kvanzo (Cuanza), tiel ke ambaŭ provincoj nun laŭ areoj proksimume samgrandas. La provincaj mapoj en Vikipedio ankoraŭ ne montras tiun novan situacion, sed la de ekstere enplektita ŝanĝebla mapo tute sube de la informkesto jes jam grize montras la areo de la tuta nova provinco.
Vikimedia Komunejo: Luanda Province [+]
