Tarokludoj
| tarokludoj | ||
|---|---|---|
|
| ||
Tarokludoj estas kartludoj ludataj per tarokoj, do per ludkartaro kiu havas specialan kvinan emblemon de permanentaj atutoj (krom la kutimaj kvar emblemoj). Oni inventis tarokojn en norda Italio ĉirkaŭ la jaro 1420 por ke oni uzi ilin ĉe tiaj kartludoj. Pluraj specoj de tarokoj kaj de ties ludoj ekzistas en Italio, Germanio kaj Franĉ-Konteo, kaj ili disvastiĝis antaŭnelonge en tuta Francio. Cetere, ĉefe per la tiel nomataj "tarokoj de Marsejlo", tarokoj estis tre ofte uzataj de ciganoj kaj aliuloj por diveni la estontecon.
La kartoj
La taroka ludkartaro konsistas el 78 tarokoj:
- 4 emblemoj (piko, kero, karoo, trefo) de po 14 rangoj: Reĝo, Damo, Kavaliro, Fanto, 10, 9, 8, 7, 6, 5, 4, 3, 2, 1, (do sume 4×14 = 56 kartoj)
- 21 atutoj, nombritaj de 1 ĝis 21 (la atuto unu nomiĝas la malgrando)
- La senkulpigo (ankaŭ nomata la bufono aŭ la ĵokero)
La atuto 1, la atuto 21, kaj la bufono estas speciala triopo, nomata germane Trullstücke, aŭ france les bouts. Tiuj tri tarokoj estas la plej gravaj en tarokludoj, ĉar se iu ludanto havos ĉiujn tri, tiu homo bezonos nur 36 kromajn poentojn por venki; kun du, tiu bezonos 41 pliajn poentojn; kun unu, 51 poentojn; kaj kun neniu el ili, 56.
La kartoj estas pli longaj ol ordinaraj ludkartoj (plej ofte 61×112 mm). Komence de la ludo, oni disdonas po 18 tarokojn al la ludantoj (foje eĉ pli), do la longeco plifaciligas tion, ke oni tenu ilin en la manoj.
La valoro de ĉiu karto
- Udlero: 4½ poentoj
- Reĝo: 4½ poentoj
- Damo: 3½ poentoj
- Kavaliro: 2½ poentoj
- Fanto: 1½ poentoj
- Ĉiuj aliaj kartoj: ½ poento
La tuta kartaro valoras 91 poentojn.
Vidu ankaŭ
Eksteraj ligiloj
- en/it: Tarot Museum - Contemporary art and tradition!
- en: prezento de diversaj naciaj formoj
- fr: elŝutebla programo por ludi tarokon kontraŭ komputilon Arkivigite je 2004-10-10 per la retarkivo Wayback Machine
- fr: strategiaj ludkonsiloj
- en: historio de tarokoj
- fr: refaro de la historia "Marsejla Taroko" (france)[rompita ligilo]
- Taroko Sarry, 48 arcana major
- Tarot Museum Arkivigite je 2006-06-16 per la retarkivo Wayback Machine