Tramtrajno de la Kadiza Golfeto
| Trambahía | |
|---|---|
 
| |
| Tramo en Jerez | |
| Tramtrajno • reto de publika transporto | |
| Ĝeneralaj informoj | |
| Loko | Metropola areo de la Golfeto de Kadizo-Ĥerezo |
| Transportsistema speco | Tramtrajno |
| Komenco de trafiko | 26-a de oktobro 2022 |
| Teknikaj informoj | |
| Nombro de linioj | 2 |
| Nombro de veturiloj | 10 |
| Aliaj informoj | |
| Traklarĝo | 1 668 mm |
| Transportisto | Renfe Operadora |
La Tramtrajno de la Kadiza Golfeto (hispane Tren tranvía de la Bahía de Cádiz, Trambahía) estas hibrida fervoja sistemo de tipo tramtrajno, kiu konsistas el du transportlinioj (unu funkcianta en 2022 kaj alia en projekto), kiu parte veturas laŭ la nun ekzistanta konvencia fervoja linio kaj poste daŭrigas sur speciale konstruita tram-platformo.
Ambaŭ linioj foriras de Kadizo kaj uzas la linion Sevilo-Kadizo, apartenantan al Adif, en kelkaj sekcioj. Linio 1 eliras el Kadizo tra la fervoja reto, de kiu ĝi poste foriras por veturi kiel tramo en la interno de San-Fernando kaj Chiclana de la Frontera, dum linio 2 eliros el Kadizo kiel tramlinio, mallongigante la distancon de la nuna itinero de proksimaĵoj, por tiam aliĝi al la fervoja linio kaj daŭrigi al la stacioj Puerto Real, El Puerto de Santa María kaj Jerez de la Frontera.[1] Ambaŭ linioj apartenas al la reto de Proksimaĵoj Kadizo.
La uzataj tramoj estas speciale dezajnitaj por la sistemo. Ili estas adaptitaj por veturado ambaŭ sur konvenciaj fervojaj trakoj, kunpartigante la linion kun la ceteraj trajnoj, kaj samtempe por veturado tra urbaj stratoj kiel tramo. Ekstere videblas la ekzisto de pordoj je 2 altecoj pro la malsama alteco de la fervojaj kajoj kaj de la tramkajoj.
La 11-an de februaro 2022, unuafoje, unuo 801 traveturis la tutan 24-kilometrojn longan itineron kaj 21 haltejojn de la Tramo de la Golfeto, de la deponejo Pelagatos (Chiclana de la Frontera) ĝis la stacidomo de Kadizo. Tiun saman tagon, post ĉi tiu mejloŝtono, la Agentejo pri Publikaj Verkoj kaj Renfe anoncis, ke antaŭ ĝia komerca enservigo, antaŭvidita por la 26-a de oktobro 2022, estos efektivigitaj malplenaj veturoj, provtestoj de fortikeco kaj, fine, komercaj simulaĵoj.[2]
La unua parto de tiu ĉi reto, koresponda al linio 1, estis inaŭgurita la 26-an de oktobro 2022 post 16 jaroj da longaj laboroj kaj 20 jaroj ekde la komenco de la projekto.[3]
Linioj
Linio 1: Kadizo-Chiclana
La unua linio foriras de la Placo de Hispanio en Kadizo, en formo de konvencia tram-platformo. Poste, la linio eniras la fervojan reton en la ĉirkaŭaĵo de stacidomo Kadizo, por trairi la staciojn de Proksimaĵoj kaj forlasi ĝin tra la istmo de la Kadiza duoninsulo.
Tiam ekster la Kadiza duoninsulo, ĝi forlasas la fervojreton antaŭ la stacio San Fernando-Bahía Sur por daŭrigi denove sur specife konstruita tram-platformo. Ĉi tiu platformo eniras la urbon San-Fernando, tra la stratoj de sia centro, inkluzive de la rekonstruo kaj piedirantigo de parto de la stratoj kiujn ĝi transiras. Poste la linio eniras en Chiclana, kie ĝi finiĝas, en la sama maniero.
La verkoj komenciĝis la 1-an de septembro 2008, kaj enserviĝis la 26-an de oktobro 2022.[4] La longo de la linio estas 24 km kaj konsistos el 21 haltejoj, el kiuj 5 estos en Kadizo, 8 en San-Fernando, 1 en la poligono Tres Caminos kaj 7 en Chiclana.[5]
Stacioj
|
Stacio | Komunumoj | Interkonektoj | ||
|---|---|---|---|---|---|
| o | Cádiz | Kadizo | 
| ||
| o | San Severiano | Kadizo |
| ||
| o | Segunda Aguada | Kadizo |
| ||
| o | Estadio | Kadizo |
| ||
| o | Cortadura | Kadizo |
| ||
| o | Río Arillo | San-Fernando |
| ||
| o | Ardila | San-Fernando | |||
| o | Santo Entierro | San-Fernando | |||
| o | Plaza del Carmen | San-Fernando | |||
| o | Compañía de María | San-Fernando | |||
| o | Plaza del Rey | San-Fernando | |||
| o | Plaza de la Iglesia | San-Fernando | |||
| o | Venta de Vargas | San-Fernando | |||
| o | Tres Caminos | Puerto Real | |||
| o | Pinar de los Franceses | Chiclana de la Frontera | |||
| o | Marquesado | Chiclana de la Frontera | |||
| o | Alameda Solano | Chiclana de la Frontera | |||
| o | Nuestra Señora de Los Remedios | Chiclana de la Frontera | |||
| o | Reyes Católicos | Chiclana de la Frontera | |||
| o | La Hoya | Chiclana de la Frontera | |||
| o | Pelagatos | Chiclana de la Frontera |
Linio 2: Kadizo-Jerez
Male al la unua linio, la dua uzas la tram-platformon ene de Kadizo kaj ties elirejon, kaj daŭras laŭ la konvencia fervoja linio ekster la urbo. La celo de la linio estas profiti el la nova "Ponto de la Konstitucio de 1812" por forlasi la urbon, draste reduktante la distancon inter Kadizo kaj Puerto Real kompare kun la konvencia fervoja linio, kiu ne uzas pontojn por forlasi la urbon.
La linio komenciĝas, kiel la antaŭa, en la Placo de Hispanio en Kadizo. Ĝi forlasas la urbon per la menciita Ponto de la Konstitucio de 1812. La ebleco inkluzivi pezan relon sur tiu ĉi ponto estis ekskludita ĉar la pezo subtenata troe komplikigus la projekton, tial oni decidis pri tiu ĉi tram-trajna sistemo.
Post kiam la ponto estas transirita, la linio eniras la konvencian fervojan linion Sevilo-Kadizo, haltante en la stacioj de proksimaĵoj Kadizo en la urboj Puerto Real, El Puerto de Santa María kaj Jerez de la Frontera. La uzo de la nova ponto reduktus la vojaĝdaŭron inter Kadizo kaj tiuj urboj je 14 minutoj kompare kun la nuna daŭro.[6]
Veturanta materialo
La konstruado de la veturantaj unuoj estis aljuĝita al Construcciones y Auxiliar de Ferrocarriles (CAF), surbaze de la modelo Urbos.[7]
La plej rimarkinda trajto estas la ekzisto de pordoj je du altecoj, pro la fakto ke la alteco de la fervojliniaj kajoj (76 cm) estas tro alta por esti uzata en la tramareo, kie alteco de 38 cm estis establita. Fine, ĉiu flanko de ĉiu veturilo kiu formas la tramon havas pordon de ĉiu alteco, kun duono de la interna planko de ĉiu veturilo je la alteco de unu pordo kaj la alia duono ĉe la alia, kun komunikado inter ambaŭ areoj per ŝtuparo.
Ĉiu trajno konsistas el du motorvagonoj, etendeblaj al 3, kun 146 starantaj lokoj kaj 92 sidlokoj. La maksimuma rapido estas 100 km/h. La traklarĝo, por esti kongrua kun la nuna linio Kadizo-Sevilo, estas ibera ŝpuro de 1 668 mm.
El fervoja vidpunkto, kiam la trajno eniras la konvencian trakon, la tramo estas konsiderata kiel normala trajno kiu veturas laŭ la linio sub la samaj kondiĉoj kiel la cetero de la trajnoj. Ĝi estis numerita ene de la serio 801, kie la unua unuo ricevas la numeradon 801.001. Ili ankaŭ estis pripensitaj por la tramoj de Tramo de Jaén aŭ de Tramo Vélez-Málaga.[8] La homologo por veturi sur konvenciaj fervojoj permesas veturi ne nur sur la linio Kadizo-Sevilo, sed ankaŭ sur ajna alia hispana fervoja linio.
Referencoj
- ↑ La Voz Digital (26 de februaro 2008). El tranvía de la Bahía tendrá dos líneas: una de Cádiz a Chiclana y otra de Cádiz al aeropuerto de Jerez. Alirita 14 de aŭgusto 2009.
- ↑ Agencia de Obra Pública de la Junta de Andalucía (11 de februaro 2022). El tranvía de la Bahía de Cádiz completa por primera vez las pruebas en el trazado completo (hispane). Consejería de Fomento, Articulación del Territorio y Vivienda. Junta de Andalucía. Alirita 16 de februaro 2022.
- ↑ Pino, Chus del. El Trambahía hace su recorrido inaugural por la Bahía de Cádiz con 16 años de retraso (hispane). La Vanguardia. Grupo Godó (26 de oktobro 2022). Alirita 29 de oktobro 2022.
- ↑ Garret, Jorge. Tranvía no entrará en servicio hasta dentro de un año y sin contar con Chiclana (hispane). Diario de Cádiz. Grupo Joly (19 de majo 2012). Alirita 5 de julio 2012.
- ↑ Agencia de Obra Pública de la Junta de Andalucía (5 de marto 2009). La Junta licita por 51,4 millones las obras del tramo urbano de Chiclana del Tranvía Metropolitano de la Bahía de Cádiz (hispane). Junta de Andalucía. Alirita 29 de oktobro 2022.
- ↑ Europa Press (27 de junio 2008). La Junta adjudica el proyecto de conexiones del tranvía del segundo puente (hispane). Diario de Cádiz. Grupo Joly. Alirita 29 de oktobro 2022.
- ↑ Características del Tranvía de la Bahía de Cádiz. Arkivita el la originalo je 24 de junio 2010. Alirita 3 de aŭgusto 2010.
- ↑ Morillo, Isabel, "La Junta negocia rescatar los tranvías más ruinosos de España tras años de abandono", El Confidencial, 6 de januaro 2017. Kontrolita 7 de majo 2017. (hispane)
Vidu ankaŭ
Eksteraj ligiloj
Fonto
En tiu ĉi artikolo estas uzita traduko de teksto el la artikolo Tren tranvía de la Bahía de Cádiz en la hispana Vikipedio.
| ||||||
