Yigal Allon

Yigal Allon
Persona informo
יגאל אלון
Naskiĝo	10-an de oktobro 1918 (1918-10-10) en Kfar Tavor
Morto	29-an de februaro 1980 (1980-02-29) (61-jaraĝa) en Afula
Mortis pro	Naturaj kialoj vd
Mortis per	Korinfarkto vd
Tombo	Ginosar (en) vd
Lingvoj	hebrea • angla vd
Ŝtataneco	Israelo vd
Alma mater	Kolegio Sankta Antonio Kadoorie Agricultural High School (en) vd
Partio	Israela Laborista Partio vd
Familio
Gefratoj	Moshe Faycovich (en) vd
Edz(in)o	Ruth Allon (en) vd
Profesio
Okupo	politikisto oficiro militisto soldato vd
Aktiva en	Jerusalemo vd
Aktiva dum	1937–1950 vd
Postenoj Postenoj membro de Knesset (1977–1980) membro de Knesset (1974–1977) membro de Knesset (1969–1974) Ĉefministro de Israelo (1969–1969) membro de Knesset (1969–1969) Vicĉefministro de Israelo (1968–1974) membro de Knesset (1968–1969) membro de Knesset (1965–1968) membro de Knesset (1961–1965) membro de Knesset (1959–1960) membro de Knesset (1955–1959) vd
vd	Fonto: Vikidatumoj
v • d • r

Jigal ALLON (hebree יִגְאָל אַלּוֹן, naskiĝis hebree פַּיְקוֹביץ', Pajkōvīĉ la 10-an de oktobro 1918 en Kfar Tabor en Galileo, mortis la 29-an de februaro 1980 en Afula) estis israela politikisto, komandanto de la Palmaĥ, kaj generalo en la Israela Defendtrupo. Li estis longdaŭra membro de la Kneset kaj servis kiel vic-ĉefministro, kelkajn fojojn kiel ministro kaj mallongdaŭre servis kiel provizora ĉefministro.

La Plano Allon por dividi Cisjordanion estas nomita laŭ li.

Lia patro enmigris al Palestino en 1890.  En 1937, Jigal Allon studentiĝis ĉe Kadoorie kampara kolegio, kaj li tiam helpis fondi la judan kibucon Ginosar. Allon estis edziĝinta al Ruth.

Allon komandis unuon en la Haganah, kaj poste li komandis patrolon en Palestino dum la arabaj tumultoj inter 1936 kaj 1939. En 1941, Allon estis unu el la fondintoj de la batalema grupo Palmaĥ.

En 1941, Allon partoprenis en la brit-gvidita invado de Libano kaj Sirio. Kiel komandanto en Palmaĥ, Allon respondecis interalie pri israela atako dum la nokto inter 18 kaj 19 decembro 1947, kiu okazis proksime de la libana limo. En la atako, pluraj civilaj palestinaj domoj estis krevigitaj, kaj dekduo civiluloj, plejparte virinoj kaj infanoj, estis mortigitaj.

Dum la Araba-Israela-Milito de 1948, Allon gvidis plurajn gravajn armeajn operaciojn en plurajn frontojn. La 25an de oktobro 1949, dum Allon estis el la lando, li estis anstataŭigita per Moŝe Dajan. La plej multaj el liaj staboficiroj eksiĝis en protesto ĉe tiu decido. Allon retiriĝis de aktiva deĵoro en 1950.

En la jaroj 1950-1952, Allon studis filozofion kaj historion en St Antony's College en Oksfordo.

Post sia armea kariero, Allon eniris politikon. Li iĝis eminenta gvidanto en la partio Ahdut HaAvoda, kaj li estis elektita al la Kneset en 1955, kie li deĵoris ĝis sia morto en februaro 1980.

Allon estis membro de pluraj politikaj komisionoj en Israelo, inkluzive de la justeca komisiono, la komisiono por eduko kaj kulturo, same kiel en la israela Eksterafera Ministerio. Allon funkciis kiel Ministro de Laboro de 1961 ĝis 1967, vic-ĉefministro de 1968 ĝis 1977 kaj specife inter 26 februaro 1969 kaj 17 marton 1969 li estis la provizora ĉefministro ĵus post la morto de Levi Eŝkol.

Allon estis instalita kiel ministro pri eksteraj aferoj en 1974, kaj li tenis tiun pozicion ĝis 1977 ^[1][2].

Stratoj, parkoj, kaj lernejoj estas nomitaj laŭ Yigal Allon en Israelo. En 1987 la Muzeo Yigal Allon estis establita en kibuco Ginosar.

• Allon, Yigal. (1970) Shield of David. Random House. ISBN 0-297-00133-7.

• Allon, Yigal. (1970) The Making of Israel's Army. Vallentine, Mitchell. ISBN 0-853-03027-8.

• Allon, Yigal. (1975) My Father's House. W. W. Norton.

Arkivigite je 2013-02-16 per Archive.today